Паводле Дэпартамента міграцыі МУС Літвы, большасць беларусаў, якія прыязджаюць у гэту краіну, — гэта тыя, хто прыязджае па працы.
У Літве жыве 55 тысяч беларусаў, якія маюць ВНЖ ці іншы падобны дакумент. Такую статыстыку прывяла Эвеліна Гудзінскайце, кіраўніца Дэпартамента міграцыі МУС Літвы.
Большасць беларусаў, якія прыязджаюць у Літву, па яе словах, — гэта тыя, хто прыязджае па працы.
«Звычайна яны працуюць дальнабойшчыкамі ці будаўнікамі, гэта мужчыны, у якіх сем'і ў Беларусі. Яны тут прыязджаюць зарабіць і вяртаюцца назад.
Канешне, павялічыўся паток людзей, якія бягуць ад рэжыму. Таксама летась шмат з'явілася тых, хто прыязджае як высокакваліфікаваны працаўнік — звычайна гэта IT», — дзеліцца літоўская чыноўніца.
«Чым больш актыўных людзей сюды прыязджае, тым больш магчымасцяў яны створаць для іншых. Так, чым больш мы будзем тут мець беларусаў, якія працуюць, інвестуюць свае веды ў эканоміку, тым больш мы здолеем прыняць яшчэ беларусаў», — разважае яна.
Эвеліна Гудзінскайце пракаментавала таксама змены ў закон наконт беларусаў у Літве, па якіх вяліся спрэчкі. Нагадаем, літоўскі парламент 4 красавіка прыняў закон аб абмежавальных мерах у дачыненні да грамадзян Расіі і Беларусі, аднак абмежаванні супраць беларусаў былі меншыя, чым супраць расіян. З гэтым не пагадзіўся прэзідэнт Літвы Гітанас Наўседа і наклаў на прыняты закон вета. Новым галасаваннем яго, аднак, пераадолелі.
«Сітуацыя, якая склалася ў Сейме наконт расіян і беларусаў, перш за ўсё з'явілася з-за таго, што мы клапоцімся пра бяспеку краіны, таму што цяпер ідзе вайна і мы не можам забываць, што рэжым Лукашэнкі супрацоўнічае з рэжымам Пуціна. Могуць быць агенты, якія маюць заданні ад гэтых рэжымаў для рэалізацыі ў Літве. Намер быў проста для тых, хто ўпершыню прыязджае ў Літву, зрабіць абмежаванні, каб засцерагчы Літву», — выказалася яна.
Больш за 2000 беларускіх кампаній пераехалі ў Еўрасаюз пасля 2020 года
Цяпер чытаюць
Вось хто той хлопец, які паехаў на праполку бульбы і стаў героем сацсетак4
Каментары