Pavodle Departamienta mihracyi MUS Litvy, bolšaść biełarusaŭ, jakija pryjazdžajuć u hetu krainu, — heta tyja, chto pryjazdžaje pa pracy.
U Litvie žyvie 55 tysiač biełarusaŭ, jakija majuć VNŽ ci inšy padobny dakumient. Takuju statystyku pryviała Evielina Hudzinskajcie, kiraŭnica Departamienta mihracyi MUS Litvy.
Bolšaść biełarusaŭ, jakija pryjazdžajuć u Litvu, pa jaje słovach, — heta tyja, chto pryjazdžaje pa pracy.
«Zvyčajna jany pracujuć dalnabojščykami ci budaŭnikami, heta mužčyny, u jakich siemji ŭ Biełarusi. Jany tut pryjazdžajuć zarabić i viartajucca nazad.
Kaniešnie, pavialičyŭsia patok ludziej, jakija biahuć ad režymu. Taksama letaś šmat źjaviłasia tych, chto pryjazdžaje jak vysokakvalifikavany pracaŭnik — zvyčajna heta IT», — dzielicca litoŭskaja čynoŭnica.
«Čym bolš aktyŭnych ludziej siudy pryjazdžaje, tym bolš mahčymaściaŭ jany stvorać dla inšych. Tak, čym bolš my budziem tut mieć biełarusaŭ, jakija pracujuć, inviestujuć svaje viedy ŭ ekanomiku, tym bolš my zdolejem pryniać jašče biełarusaŭ», — razvažaje jana.
Evielina Hudzinskajcie prakamientavała taksama źmieny ŭ zakon nakont biełarusaŭ u Litvie, pa jakich vialisia sprečki. Nahadajem, litoŭski parłamient 4 krasavika pryniaŭ zakon ab abmiežavalnych mierach u dačynieńni da hramadzian Rasii i Biełarusi, adnak abmiežavańni suprać biełarusaŭ byli mienšyja, čym suprać rasijan. Z hetym nie pahadziŭsia prezident Litvy Hitanas Naŭsieda i nakłaŭ na pryniaty zakon vieta. Novym hałasavańniem jaho, adnak, pieraadoleli.
«Situacyja, jakaja skłałasia ŭ Siejmie nakont rasijan i biełarusaŭ, pierš za ŭsio źjaviłasia z-za taho, što my kłapocimsia pra biaśpieku krainy, tamu što ciapier idzie vajna i my nie možam zabyvać, što režym Łukašenki supracoŭničaje z režymam Pucina. Mohuć być ahienty, jakija majuć zadańni ad hetych režymaŭ dla realizacyi ŭ Litvie. Namier byŭ prosta dla tych, chto ŭpieršyniu pryjazdžaje ŭ Litvu, zrabić abmiežavańni, kab zaścierahčy Litvu», — vykazałasia jana.
Bolš za 2000 biełaruskich kampanij pierajechali ŭ Jeŭrasajuz paśla 2020 hoda
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary