У глухой вёсцы Калінкавіцкага раёна абакралі ферму для майнінгу крыптавалюты
У канцы снежня 2022-га ў міліцыю звярнуўся жыхар Калінкавіцкага раёна, які заявіў, што са старога дома, які дастаўся яму ў спадчыну, зніклі кампʼютарныя камплектуючыя на суму каля 17,2 тысячы беларускіх рублёў (больш за 6800 долараў у эквіваленце), паведамляюць у Дзяржкамітэце судовых экспертыз.
Высветлілася, што ў непрыкметнай хаце пацярпелы абсталяваў кампʼютарную ферму для майнінгу крыптавалюты. Экспертам удалося выявіць сляды злачынца: у двары і доме былі знойдзеныя сляды абутку, а таксама фрагменты ворсу на аконнай раме.
«У кола падазраваных патрапіў жыхар райцэнтра», — паведамляе прэс-служба.
Мужчына прызнаўся, што ферму крыптавалюты ў вёсцы абрабаваў ён. Скраў 13 відэакарт і 3 блокі электрасілкавання, схаваў усё, каб пазней прадаць.
Крымінальная справа накіраваная ў суд.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары