Мінабароны Вялікабрытаніі: Расійскія войскі вяртаюцца да абароны пасля няўдалага наступу на Бахмут
Наступ Расіі ў раёне Бахмута спыніўся, што можа сведчыць аб крайняй ступені знясілення расійскіх войскаў, гаворыцца ў штодзённай зводцы Мінабароны Вялікабрытаніі. Ведамства адзначае, што ўкраінскія вайскоўцы таксама панеслі цяжкія страты падчас абароны горада.
Эксперты лічаць, што цяпер камандаванне РФ, верагодна, засяродзіла свае намаганні на Аўдзееўцы (горад на поўдні ад Бахмута), а таксама на лініі Сватава-Крамянная, дзе імкнецца стабілізаваць лінію фронту. Гэта, у сваю чаргу, можа сведчыць аб агульным вяртанні Расіі да абарончай аператыўнай схемы пасля непераканаўчых вынікаў агульнага наступу, заключаюць аўтары.
Асобна ў зводцы падкрэсліваецца, што сітуацыю для Расіі пагоршыла напружанасць паміж Мінабароны РФ і «ПВК Вагнер».
Напярэдадні галоўнакамандуючы УСУ Валерый Залужны заявіў, што на кірунку Бахмута сітуацыя застаецца найбольш складанай, але «абстаноўку ўдаецца стабілізаваць» дзякуючы «тытанічным намаганням» украінскіх вайскоўцаў.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары