Па Сеуле тры гадзіны гуляла зебра. Жывёла збегла з мясцовага заапарка, але яе ўдалося вярнуць
З заапарка Сеула збег самец зебры, які на працягу трох гадзін разгульваў па вуліцах паўднёвакарэйскай сталіцы, спрабуючы пажывіцца змесцівам смеццевых бакаў, піша Бі-бі-сі.
Жывёла па імені Сера (па-карэйску гэта азначае «Вертыкаль») уцякла з заапарка ў чацвер вечарам. Паведамляецца, што зебра праламала драўляную агароджу вальера і адправілася на шпацыр.
Жыхары горада зрабілі мноства відэа, на якіх Сера ходзіць па вуліцах, запоўненых машынамі і людзьмі, і перыядычна зазірае ў бакі са смеццем.
У выніку супрацоўнікі заапарка змаглі загнаць зебру ў адну з вузкіх вуліц, а затым стрэлілі ў яе капсулай са снатворным. Жывёла заснула, яе змясцілі ў грузавік і адправілі назад у заапарк.
Сера мае ўсяго каля двух гадоў — ён нарадзіўся ў Сеульскім заапарку ў 2021 годзе.
Па словах супрацоўнікаў заапарка, стан здароўя жывёлы цяпер здавальняючы.
На сайце заапарка Сеула сказана, што ў ім утрымліваецца больш за 400 жывёл 38 розных відаў.
Зебра ў ЗША адкусіла руку гаспадару, а потым накінулася на паліцэйскіх
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца3
А што будзе, калі вярнуцца ў Беларусь? Кажуць жа, што рэпрэсіі заканчваюцца
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары