Эканоміка22

Літоўцы затрымалі рэкордную кантрабанду цыгарэт з Беларусі — на 2,6 млн еўра

Партыю нелегальных цыгарэт затрымалі ў Вільні яшчэ ў канцы снежня, але спатрэбіўся час, каб ацаніць яе памеры. 672 000 пачкаў на суму больш за 2,6 мільёна еўра — гэты груз з'яўляецца самай буйной кантрабандай, затрыманай памежнікамі з 2000 года, піша Delfi.

Супрацоўнікі Службы аховы дзяржмяжы паведамляюць, што 29 снежня арганізавалі аперацыю па затрыманні кантрабанды. Перахоп незаконнага грузу ажыццяўляўся пры супрацоўніцтве з мытнікамі і супрацоўнікамі ўпраўлення бяспекі кампаніі ЛЧ.

У Вільні на чыгуначнай станцыі Панярай памежнікі праверылі тры вагоны грузавога цягніка, які стаяў там. Ён прыехаў у Літву з Беларусі праз КПП Стасілас. У памежнікаў узнікла падазрэнне, што ў вагонах можа быць схаваная кантрабанда.

У ходзе надгляду ў вагонах знайшлі вялікія мяшкі з грануламі сланечніка, сярод якіх былі скрынкі з цыгарэтамі.

У астатніх вагонах кантрабанды не было. Камуфляж — сыпкі груз — у трох вагонах, як потым высветлілася, важыў цэлых 66 тон. На станцыі выгрузіць і пералічыць усё гэта не ўдалося. Тры вагоны з кантрабандай былі адчэпленыя і адпраўленыя па чыгунцы ў Кену.

У трох затрыманых памежнікамі вагонах было схавана 672 000 пачкаў розных відаў кантрабандных цыгарэт з беларускімі этыкеткамі. Кошт такога грузу ў Літве з улікам усіх абавязковых падаткаў складае больш за 2,6 млн еўра. Гэта найбуйнейшы перахоплены кантрабандны груз за ўсю гісторыю працы Службы аховы дзяржмяжы з 2000 года.

Распачатае дасудовае расследаванне па факце незаконнага збыту акцызных тавараў. 

У 2022 годзе памежнікі прадухілілі траплянне на чорны рынак 4 322 114 пачкаў цыгарэт, абсалютная большасць якіх была прывезена з Беларусі. Гэта была самая вялікая гадавая колькасць нелегальных цыгарэт, затрыманых за больш чым два дзесяцігоддзі. Рост звязваюць з новымі і больш эфектыўнымі мерамі пагранічнай аховы і перахопам вялікіх партый тытунёвых вырабаў, якія перавозяцца цягнікамі з Беларусі. У 2022 годзе памежнікі выявілі 51 выпадак кантрабанды па чыгунцы і такім чынам затрымалі амаль 3 мільёны пачкаў цыгарэт (гэта 67 працэнтаў ад агульнай колькасці цыгарэт, канфіскаваных літоўскай службай). Цыгарэты беларускай вытворчасці звычайна перавозяць таварнымі вагонамі ў Літву, хаваючы іх у навалачных грузах (трэска, габлюшка, палеты і г.д.).

Каментары2

  • мафия во главе РБ
    15.01.2023
    И ни одного случая выявления контрабанды сигарет со стороны белорусских таможенников. Из этого можно сделать вывод, что это организовывается на самом высшем уровне - именно с верху дают зелёный свет на подобного рода махинации и преступления. А это миллионные обороты, с которых ничего не платиться в белорусский бюджет, а идёт напрямую в карманы семейки и приближённых к ней кланов.
  • табакерка
    15.01.2023
    жыве літва)

Цяпер чытаюць

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі19

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі

Усе навіны →
Усе навіны

У Амурскай вобласці Расіі разбіўся самалёт з 49 чалавекамі на борце

Два малыя браты атрымалі моцныя апёкі пры распальванні лазні

Ходзіць легенда, што Озі Осбарн адкусіў галаву жывому кажану. А што ж адбылося насамрэч?2

Хто такі Джэйсан Дэрула, якога прэм’ер Турчын вадзіў па Доме ўрада8

Олівер з ЗША вывучыў беларускую мову, бо даведаўся, што яго продкі з Магілёва58

«Выйшаў з бальніцы з дзвюма адкрытымі ранамі». Беларусу ў Польшчы зрабілі аперацыю, а праз два дні выпісалі12

Расія ўдарыла па некалькіх абласных цэнтрах Украіны

«Дурная выдумка». Макрон падаў у суд на жанчыну, якая назвала яго жонку мужчынам

На Брэстчыне зноў шукаюць магчымасці пазбавіць прыгажэнны помнік ахоўнага статусу. Загад паступіў зверху4

больш чытаных навін
больш лайканых навін

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі19

«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі

Галоўнае
Усе навіны →

Заўвага:

 

 

 

 

Закрыць Паведаміць