Litoŭcy zatrymali rekordnuju kantrabandu cyharet ź Biełarusi — na 2,6 młn jeŭra
Partyju nielehalnych cyharet zatrymali ŭ Vilni jašče ŭ kancy śniežnia, ale spatrebiŭsia čas, kab acanić jaje pamiery. 672 000 pačkaŭ na sumu bolš za 2,6 miljona jeŭra — hety hruz źjaŭlajecca samaj bujnoj kantrabandaj, zatrymanaj pamiežnikami z 2000 hoda, piša Delfi.
Supracoŭniki Słužby achovy dziaržmiažy paviedamlajuć, što 29 śniežnia arhanizavali apieracyju pa zatrymańni kantrabandy. Pierachop niezakonnaha hruzu ažyćciaŭlaŭsia pry supracoŭnictvie z mytnikami i supracoŭnikami ŭpraŭleńnia biaśpieki kampanii ŁČ.
U Vilni na čyhunačnaj stancyi Paniaraj pamiežniki pravieryli try vahony hruzavoha ciahnika, jaki stajaŭ tam. Jon pryjechaŭ u Litvu ź Biełarusi praz KPP Stasiłas. U pamiežnikaŭ uźnikła padazreńnie, što ŭ vahonach moža być schavanaja kantrabanda.
U chodzie nadhladu ŭ vahonach znajšli vialikija miaški z hranułami słaniečnika, siarod jakich byli skrynki z cyharetami.
U astatnich vahonach kantrabandy nie było. Kamuflaž — sypki hruz — u troch vahonach, jak potym vyśvietliłasia, važyŭ cełych 66 ton. Na stancyi vyhruzić i pieraličyć usio heta nie ŭdałosia. Try vahony z kantrabandaj byli adčeplenyja i adpraŭlenyja pa čyhuncy ŭ Kienu.
U troch zatrymanych pamiežnikami vahonach było schavana 672 000 pačkaŭ roznych vidaŭ kantrabandnych cyharet ź biełaruskimi etykietkami. Košt takoha hruzu ŭ Litvie z ulikam usich abaviazkovych padatkaŭ składaje bolš za 2,6 młn jeŭra. Heta najbujniejšy pierachopleny kantrabandny hruz za ŭsiu historyju pracy Słužby achovy dziaržmiažy z 2000 hoda.
Raspačataje dasudovaje rasśledavańnie pa fakcie niezakonnaha zbytu akcyznych tavaraŭ.
U 2022 hodzie pamiežniki praduchilili traplańnie na čorny rynak 4 322 114 pačkaŭ cyharet, absalutnaja bolšaść jakich była pryvieziena ź Biełarusi. Heta była samaja vialikaja hadavaja kolkaść nielehalnych cyharet, zatrymanych za bolš čym dva dziesiacihodździ. Rost źviazvajuć z novymi i bolš efiektyŭnymi mierami pahraničnaj achovy i pierachopam vialikich partyj tytuniovych vyrabaŭ, jakija pieravoziacca ciahnikami ź Biełarusi. U 2022 hodzie pamiežniki vyjavili 51 vypadak kantrabandy pa čyhuncy i takim čynam zatrymali amal 3 miljony pačkaŭ cyharet (heta 67 pracentaŭ ad ahulnaj kolkaści cyharet, kanfiskavanych litoŭskaj słužbaj). Cyharety biełaruskaj vytvorčaści zvyčajna pieravoziać tavarnymi vahonami ŭ Litvu, chavajučy ich u navałačnych hruzach (treska, habluška, palety i h.d.).
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny20
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary