Цэнтр беларускай салідарнасці: Беларусам часта адмаўляюць у выдачы гуманітарных віз унутры Польшчы
Цэнтр беларускай салідарнасці, які месціцца ў Варшаве, правёў аналіз зваротаў беларусаў па гуманітарныя візы ў Польшчы і заўважыў, што адмоў дастаткова шмат. Падставай для адмовы ў выдачы візы можа служыць паездка пры наяўнасці папярэдняй падобнай візы ў Беларусь, піша тэлеграм-канал «Позірк».
«Даволі шмат адмоў прыходзіць. Калі чалавек атрымлівае адмову, ён нават не ведае, з якой прычыны яе атрымаў. Часцей за ўсё адзначаецца падазрэнне, што віза будзе выкарыстоўвацца не па мэтавым прызначэнні», — паведаміла юрыстка ЦБС Марына Грышчанка.
Грышчанка рэкамендавала грамадзянам Беларусі пры адмовах у візе ініцыяваць працэдуру паўторнага разгляду. У такім выпадку неабходна звяртацца ў МЗС. У выпадку паўторнага адмоўнага рашэння абскардзіць яго немагчыма.
Прыём заяў на гуманітарныя візы на тэрыторыі Польшчы пачаўся 22 верасня ў візавых цэнтрах VFS Global у Варшаве, Познані і Любліне.
Першапачаткова ЦБС фіксаваў масавыя адмовы ў прыёме дакументаў. Паводле слоў Грышчанкі, зараз іх прымаюць значна лепш.
Аднак частай прычынай адмоў застаецца недастатковая колькасць пустых старонак у пашпарце.
-
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына
-
Міністр Маркаў заявіў, што трэба змагацца з тымі, хто кажа пра ўшчамленне рускай ці беларускай мовы
-
Што ў рэальнасці адбылося пад Смалявічамі? Вось самая лагічная прычына налёту ашалелых расійскіх малалетак
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары