Мікалая Казлова перавезлі ў магілёўскую турму, не чакаючы разгляду апеляцыі
Не чакаючы разгляду апеляцыйнай скаргі на рашэнне суда, кіраўніка Аб’яднанай грамадзянскай партыі перавезлі з Мінска ў Магілёў. Мікалай Казлоў быў асуджаны на два з паловай гады пазбаўлення волі за ўдзел разам з калегамі па партыі ў адным з маршаў пратэсту.
На судзе ён назваў абвінавачванне «сумессю дзіўнай логікі і нястрымнай фантазіі». А на пытанне суда, ці прызнае сваю віну, Казлоў адказаў: «Я прызнаю сябе больш пацярпелым, чым вінаватым».
Адбываць пакаранне Мікалай Казлоў будзе ў Магілёве. Цяпер ён знаходзіцца ў ізалятары магілёўскай турмы №4. Цікава, што ў гэтую ўстанову адзін партыец прыбыў, адзін выбыў. Так, у мінулую суботу менавіта адсюль выйшаў на волю член Аб’яднанай грамадзянскай партыі, вядомы блогер Аляксандр Кабанаў.
Усяго цяпер за кратамі знаходзяцца дванаццаць членаў АГП, якіх раскідалі па ўсёй краіне. Акрамя Мікалая Казлова, гэта Антаніна Кавалёва, Аксана Аляксеева, Дзіяна Чанушына (знаходзяцца ў гомельскім следчым ізалятары), Андрусь Асмалоўскі (СІЗА-6 у Баранавічах), Артур Смалякоў (віцебскае СІЗА-2), Леанід Судаленка і Аляксандр Нагела (калонія «Віцьба»), Уладзімір Няпомняшчых і Андрэй Кудзік (ПК № 15, Магілёў), Антон Баброў (калонія ў Івацэвічах) і Рамуальд Улан, які адбывае «хімію» ў Гомелі.
Тыя, хто пакуль у следчым ізалятары, чакаюць абскарджання прыгавораў.
-
«Самага прывабнага саджаеш наперад, і ўсё без палева». Як і за колькі перавозяць у Еўропу нелегальных мігрантаў з беларускай мяжы
-
«Заробак стартаваў з $440». Беларускі расказалі, як працуюць і зарабляюць на Блізкім Усходзе
-
Прадстаўніца Акадэміі навук раскрыла ўзровень нараджальнасці ў Беларусі. Ён жахліва нізкі
Цяпер чытаюць
«Самага прывабнага саджаеш наперад, і ўсё без палева». Як і за колькі перавозяць у Еўропу нелегальных мігрантаў з беларускай мяжы2
Каментары