Гамяльчук скраў у краме пляшку віскі і прадукты. А калі яго затрымалі, сказаў, што яму трэба карміць маленькае дзіця
Беспрацоўны жыхар Гомеля прыйшоў у краму і скраў бутэльку віскі, якую схаваў у заплечнік. Затым мужчына набраў яшчэ і прадуктаў, якія паклаў у заплечнік і ў кішэні, паведамляюць «Гомельскія ведамасці».
Калі злодзей праходзіў міма кас, прадавец прапанавала яму расплаціцца за тавар. На гэта мужчына адказаў, што ў яго няма грошай. Калі злодзея паспрабавалі затрымаць, ён кінуў частку прадуктаў на падлогу, адштурхнуў прадаўца і паспрабаваў уцячы.
Жыхар Гомеля змог выбегчы на вуліцу, але схавацца яму не ўдалося. Зламысніка дагналі, а скрадзены тавар вярнулі на паліцы.
Сумарны кошт скрадзеных прадуктаў склаў 170 рублёў. Гамяльчук заявіў, што яму трэба карміць дзіця, таму рашыўся на такі ўчынак. Навошта дзіцяці бутэлька віскі — мужчына растлумачыць не змог.
Да суда ён знаходзіцца пад падпіскай аб нявыездзе, але маладому бацьку можа пагражаць да шасці гадоў пазбаўлення волі.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары