Слоеныя, масляністыя сырныя палачкі — цудоўная закуска, што будзе прыдатнай як на вечарыне з сябрамі, так і пад футбольчык. Калі хочаце зрабіць іх больш пікантнымі, дадайце гарчыцы і перцу.
Фота: BBC Food
Каб згатаваць сырныя палачкі, вам спатрэбіцца:
- 375 грамаў мукі
- дробка солі
- 225 грамаў масла, парэзанага кубікамі
- 150 грамаў нацёртага сыру чэдар (можна замяніць на груер ці эменталь)
- 50 грамаў цертага сыру пармезан (можна замяніць на груер ці эменталь)
- дробка сухой гарчыцы
- маленькая дробка каенскага перцу (можна замяніць на сушаны чырвоны перац)
- жаўткі ад двух курыных яек
- Прасейце ў міску муку і дробку солі. Кончыкамі пальцаў уцірайце масла, пакуль усе камячкі не знікнуць, а тэкстура не стане падобнай да дробных хлебных крошак. Дадайце сыр, сухую гарчыцу, чырвоны перац і жаўткі. Дадайце 4—5 сталовых лыжак халоднай вады і замясіце густое цеста.
- Загарніце ў харчовую плёнку або ў поліэтылен і прыбярыце ў халадзільнік на 30 хвілін.
- Разагрэйце духоўку да 190 градусаў.
- Засцяліце бляху паперай для выпечкі. Раскачайце цеста ў квадрат таўшчынёй некалькі міліметраў. Разрэжце квадрат напалову, потым разрэжце кожную палову на палоскі шырынёй у 1 сантыметр.
- Акуратна перакладзіце палоскі на бляху і выпякайце іх 10—15 хвілін, пакуль цеста не стане хрусткім. Пакіньце астываць на блясе.
Чытайце таксама:
Вось чаму карысна есці яйкі ўкрутую
Рэцэпт на выхадныя. Запечаныя яйкі з вяндлінай — хуткі і прыгожы сняданак
Пяць памылак, якія не даюць вам зварыць смачны суп
«ЗША хочуць нармалізацыі літоўска-беларускіх адносін. Адсюль і рухі з офісам Ціханоўскай»4
Каментары