Słojenyja, maślanistyja syrnyja pałački — cudoŭnaja zakuska, što budzie prydatnaj jak na viečarynie ź siabrami, tak i pad futbolčyk. Kali chočacie zrabić ich bolš pikantnymi, dadajcie harčycy i piercu.
Fota: BBC Food
Kab zhatavać syrnyja pałački, vam spatrebicca:
- 375 hramaŭ muki
- drobka soli
- 225 hramaŭ masła, parezanaha kubikami
- 150 hramaŭ naciortaha syru čedar (možna zamianić na hrujer ci emiental)
- 50 hramaŭ ciertaha syru parmiezan (možna zamianić na hrujer ci emiental)
- drobka suchoj harčycy
- maleńkaja drobka kajenskaha piercu (možna zamianić na sušany čyrvony pierac)
- žaŭtki ad dvuch kurynych jajek
- Prasiejcie ŭ misku muku i drobku soli. Končykami palcaŭ ucirajcie masła, pakul usie kamiački nie źniknuć, a tekstura nie stanie padobnaj da drobnych chlebnych krošak. Dadajcie syr, suchuju harčycu, čyrvony pierac i žaŭtki. Dadajcie 4—5 stałovych łyžak chałodnaj vady i zamiasicie hustoje ciesta.
- Zaharnicie ŭ charčovuju plonku abo ŭ polietylen i prybiarycie ŭ chaładzilnik na 30 chvilin.
- Razahrejcie duchoŭku da 190 hradusaŭ.
- Zaścialicie blachu papieraj dla vypiečki. Raskačajcie ciesta ŭ kvadrat taŭščynioj niekalki milimietraŭ. Razrežcie kvadrat napałovu, potym razrežcie kožnuju pałovu na pałoski šyrynioj u 1 santymietr.
- Akuratna pierakładzicie pałoski na blachu i vypiakajcie ich 10—15 chvilin, pakul ciesta nie stanie chrustkim. Pakińcie astyvać na blasie.
Čytajcie taksama:
Voś čamu karysna jeści jajki ŭkrutuju
Recept na vychadnyja. Zapiečanyja jajki ź viandlinaj — chutki i pryhožy śniadanak
Piać pamyłak, jakija nie dajuć vam zvaryć smačny sup
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ3
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary