Дарадца Офіса прэзідэнта Украіны Аляксей Арастовіч у традыцыйнай вячэрняй размове з Маркам Фейгіным знайшоў вобразнае акрэсленне таму, што адбываецца цяпер на паўднёвым фронце расійска-ўкраінскай вайны.
«Якія б ні былі ар'ергардныя баі, якія б ні былі страты ў нас і ў іх, у Расіі зараз пачнецца страшны надлом, ён ужо бачны ў многіх пабліках. Чаму? А якога хрэна мабілізоўвацца і ваяваць, калі адзіны захоплены з пачатку гэтай кампаніі абласны цэнтр украінцы ўсё адно вызвалілі? Гэтак ж колькі трэба крыві цяпер праліць, каб яго зноў узяць, а калі нават і возьмуць, то дзе гарантыя, што зноў не адаб'юць?
Які ў гэтым сэнс? Калі мы цаной страшнай крыві гэта ўзялі, пасля страшнай цаной і жорсткасцю ўтрымлівалі? І гэта будзе стратэгічны маральны пералом у гэтай вайне. Яна яшчэ можа доўга працягвацца, яны могуць яшчэ доўга ўтрымліваць Крым, Данбас, Луганск, пакуль мы назапасім сілаў і пойдзем наперад.
Але стратэгічны пералом адбыўся. Ён адбываецца на нашых вачах. Гэта як Сталінградская бітва для Усходняга фронту ў Другой сусветнай. Усё, пасля гэтага ніхто ў Расіі больш не будзе верыць у паспяховасць гэтай вайны», — заявіў Арастовіч.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары