Узялі ў палон першага беларуса, які ваяваў на баку Расіі. Паваяваў ён менш за два месяцы
Максіма Зязюльчыка ўзялі ў палон падчас украінскага контрнаступу на Данбасе.
Па звестках украінскіх вайскоўцаў, хлопец пайшоў ваяваць добраахвотна ў складзе прыватнай вайсковай кампаніі «Рэдут». Гэтая прыватная кампанія раней займалася аховай вайсковай інфраструктуры і іншых аб'ектаў Расіі за мяжой, але з 2021 года «перапрафілявалася» на ўкраінскі кірунак.
Максіму Зязюльчыку 22 гады. Хлопец быў аматарам спорту і качаўся. Ён паспеў адвучыцца ў агратэхнічным каледжы ў Мар'інай Горцы, а пасля адслужыць у войску. Служыў ён у адной з частак сілаў спецыяльных аперацый (магчыма, нават у самой Мар'інай Горцы).
Хлопец паспеў паваяваць няшмат — з 21 ліпеня, калі ён прыбыў у Ізюм Харкаўскай вобласці і атрымаў зброю на пасадзе кулямётчыка, да 19 верасня, калі яго ўзялі ў палон недалёка ад Сватава Луганскай вобласці. Ён атрымаў раненне і цяпер знаходзіцца на лячэнні ў палоне.
Ці ваяваў ён некалі да гэтага — не паведамляецца.
Па паведамленні Генпракуратуры Украіны, яму пагражае да дзесяці гадоў пазбаўлення волі за ўдзел у ваенных дзеяннях у якасці найміта.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары
Ну что,заработал?