Uziali ŭ pałon pieršaha biełarusa, jaki vajavaŭ na baku Rasii. Pavajavaŭ jon mienš za dva miesiacy
Maksima Ziaziulčyka ŭziali ŭ pałon padčas ukrainskaha kontrnastupu na Danbasie.
Pa źviestkach ukrainskich vajskoŭcaŭ, chłopiec pajšoŭ vajavać dobraachvotna ŭ składzie pryvatnaj vajskovaj kampanii «Redut». Hetaja pryvatnaja kampanija raniej zajmałasia achovaj vajskovaj infrastruktury i inšych abjektaŭ Rasii za miažoj, ale z 2021 hoda «pieraprafilavałasia» na ŭkrainski kirunak.
Maksimu Ziaziulčyku 22 hady. Chłopiec byŭ amataram sportu i kačaŭsia. Jon paśpieŭ advučycca ŭ ahratechničnym kaledžy ŭ Marjinaj Horcy, a paśla adsłužyć u vojsku. Słužyŭ jon u adnoj z častak siłaŭ śpiecyjalnych apieracyj (mahčyma, navat u samoj Marjinaj Horcy).
Chłopiec paśpieŭ pavajavać niašmat — z 21 lipienia, kali jon prybyŭ u Izium Charkaŭskaj vobłaści i atrymaŭ zbroju na pasadzie kulamiotčyka, da 19 vieraśnia, kali jaho ŭziali ŭ pałon niedaloka ad Svatava Łuhanskaj vobłaści. Jon atrymaŭ ranieńnie i ciapier znachodzicca na lačeńni ŭ pałonie.
Ci vajavaŭ jon niekali da hetaha — nie paviedamlajecca.
Pa paviedamleńni Hienprakuratury Ukrainy, jamu pahražaje da dziesiaci hadoŭ pazbaŭleńnia voli za ŭdzieł u vajennych dziejańniach u jakaści najmita.
Kamientary
Nu čto,zarabotał?