Абаронныя кампаніі Іспаніі і ФРГ прыступяць да сумеснай распрацоўкі сістэм перахопу гіпергукавой зброі, паведамляе выданне Defense news. Распрацоўка праекта пад назвай European Hypersonic Defense Interceptor (EU HYDEF) абыйдзецца еўрапейскім краінам у 110 млн еўра.
Над сістэмай перахопу будуць працаваць іспанская кампанія Sener Aerospacial Sociedad Anonima і нямецкая Diehl Defence. Першая зоймецца каардынацыяй праекта, а другая — агульным тэхнічным кіраўніцтвам.
У кампаній ужо ёсць сумесны вопыт працы над нямецкай СПА IRIS-T. «Мэта — стварыць еўрапейскі перахопнік супраць пагроз на перыяд да 2035 года і далей», — піша выданне са спасылкай на дакументы Еўрасаюза.
Работы будуць ісці пад эгідай Еўрапейскага абароннага фонду. Рэалізацыя праграмы разлічаная на 1,5 года. Новы распрацаваны перахопнік плануюць інтэграваць у сістэмы СПА, атрымаўшы магчымасць процідзейнічаць такім паветраным сродкам паражэння, як гіпергукавая зброя і балістычныя ракеты.
Еўрапейская камісія абвясціла ў ліпені пра планы выдзеліць каля 1,2 млрд еўра для 61 праекта па даследаваннях і развіцці ў галіне абароны.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары