Гігін прапанаваў запатрабаваць у Польшчы рэпарацый за 1920-1930-я гады
Пра гэта ў эфіры «Альфа Радыё» заявіў старшыня таварыства «Веды», экс-дэкан філасофскага факультэта БДУ Вадзім Гігін, каментуючы навіну пра тое, што Польшча запатрабавала ад Нямеччыны вялікіх рэпарацый, каля 1,3 трлн еўра, за Другую сусветную вайну, піша «СБ — Беларусь сёння».
Гігін адзначыў, што патрабуючы рэпарацый ад Нямеччыны, Польшча, па сутнасці, прызнае вынікі Другой сусветнай вайны. У сувязі з гэтым ён лічыць, што «свой рахунак Польшчы выставіць можам і мы».
«Германія, прынамсі цяперашні ўрад, пакаялася ў злачынствах нацыстаў. А кіруючыя колы Польшчы, незалежна ад таго, кансерватары яны ці лібералы, пакаяліся ў злачынствах Пілсудскага? Ды яны яму ставяць помнікі, ён у іх нацыянальны герой», — адзначыў прапагнандыст.
«Я лічу, што цалкам разумна нам — гісторыкам і палітыкам — пачаць працэс, прынамсі на ўзроўні грамадскіх слуханняў (мы будзем звяртацца і ў наш парламент), каб мы падлічылі, якая шкода была нанесеная Беларусі польскім панаваннем».
На думку Гігіна шкода заключалася ў штучным затарможванні развіцця гэтай тэрыторыі, у прыватнасці, прамысловасці. У выпампоўванні з заходніх абласцей сельскагаспадарчых рэсурсаў, у заніжанай аплаце работнікам, шкода была нанесеная ў культурнай палітыцы.
«Ці можам мы гэты рахунак прад'явіць палякам? Вядома ж, можам. Ёсць і прававая перспектыва для падобнага разбору. Польскі ўрад тады, асабліва пасля майскага перавароту 1926 года, фактычна не выконваў многія палажэнні Рыжскага дагавора, які не проста падзяляў тэрыторыю, а гарантаваў нацыянальным меншасцям у рамках Рэчы Паспалітай правы і свабоды», — мяркуе Гігін
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары