Дарадца кіраўніка Офіса прэзідэнта Украіны Міхаіл Падаляк у эфіры нацыянальнага тэлемарафона выключыў дачыненне ўкраінскага боку да ўчарашняга падрыву машыны дачкі ідэолага рускага імперыялізму Аляксандра Дугіна.
«Падкрэсліваю, што Украіна, безумоўна, да гэтага не мае дачынення, таму што мы не крымінальная дзяржава, якой з'яўляецца Расийская Федэрацыя, і тым больш не тэрарыстычная дзяржава», — сказаў Падаляк.
Ён таксама дадаў, што гэтае забойства сведчыць пра барацьбу за ўладу і ўплыў розных груповак унутры Расіі.
Машына, якой кіравала Дар'я Дугіна, выбухнула ўчора ў Падмаскоўі. Жанчына ехала на ёй з фестывалю «Традыцыя», на якім яна была разам са сваім бацькам. Дугін нібыта таксама павінен быў вяртацца ў Маскву гэтай самай машынай, але ў апошні момант сеў у іншую.
Чытайце таксама:
Дачку Дугіна ўзарвалі, заклаўшы выбуховае прыстасаванне пад дно машыны
«Дугін меў ехаць на гэтай машыне, але сеў у іншую». Узарвалі дачку ідэолага расійскага імперыялізму Дугіна
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары