Гэта плявок Пуціна ў твар Гутэрышу і Эрдагану — прэс-сакратар МЗС Украіны пра атаку на порт Адэсы
Сёння раніцай быў атакаваны порт у Адэсе. Дзве ракеты з чатырох, якія запусціла РФ з Чорнага мора, патрапілі ў порт, адкуль на днях павінны адгрузіць першую партыю збожжа на экспарт.
Пра гэта паведаміла прэс-службак Міністэрства аграрнай палітыкі.
«Колькасць я не скажу, бо загружанасцю займаецца Мінінфраструктуры, дык гэта да іх. Мы ўжо чакалі заўтра-паслязаўтра першыя адпраўленні», — распавялі ў ведамстве.
А па словах прэс-сакратара МЗС Украіны Алега Ніколенкі, Расіі спатрэбілася менш сутак, каб парушыць дамоўленасці пагаднення па збожжавым калідоры.
«Ранішнія ўдары па порце Адэсы былі пляўком Пуціна ў твар генеральнаму сакратару ААН Антоніу Гутэрышу і прэзідэнту Турцыі Рэджэпу Эрдагану, якія прыклалі намаганні для дасягнення пагаднення па «збожжавых калідорах», — сказаў Ніколенка.
Амбасадар ЗША ва Украіне Брыджыт Брынк таксама заявіла аб недапушчальнасці абстрэлаў порта ў Адэсе.
«Недапушчальна. Расея нанесла ўдар па порце горада Адэсы менш чым праз 24 гадзіны пасля падпісання Пагаднення аб дазволе экспартных паставак сельскагаспадарчай прадукцыі. Крэмль працягвае выкарыстоўваць ежу як зброю», — напісала Брынк у сваім «твітары».
-
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны
-
«Заблакуем усё»: у Францыі маштабныя пратэсты, амаль 200 затрыманых і транспартны калапс
-
У Непале вайскоўцы часткова ўзялі пад кантроль Катманду, каб прадухіліць новыя беспарадкі
Каментары