Heta plavok Pucina ŭ tvar Huteryšu i Erdahanu — pres-sakratar MZS Ukrainy pra ataku na port Adesy
Siońnia ranicaj byŭ atakavany port u Adesie. Dźvie rakiety z čatyroch, jakija zapuściła RF z Čornaha mora, patrapili ŭ port, adkul na dniach pavinny adhruzić pieršuju partyju zbožža na ekspart.
Pra heta paviedamiła pres-słužbak Ministerstva ahrarnaj palityki.
«Kolkaść ja nie skažu, bo zahružanaściu zajmajecca Mininfrastruktury, dyk heta da ich. My ŭžo čakali zaŭtra-paślazaŭtra pieršyja adpraŭleńni», — raspaviali ŭ viedamstvie.
A pa słovach pres-sakratara MZS Ukrainy Aleha Nikolenki, Rasii spatrebiłasia mienš sutak, kab parušyć damoŭlenaści pahadnieńnia pa zbožžavym kalidory.
«Ranišnija ŭdary pa porcie Adesy byli plaŭkom Pucina ŭ tvar hienieralnamu sakrataru AAN Antoniu Huteryšu i prezidentu Turcyi Redžepu Erdahanu, jakija prykłali namahańni dla dasiahnieńnia pahadnieńnia pa «zbožžavych kalidorach», — skazaŭ Nikolenka.
Ambasadar ZŠA va Ukrainie Brydžyt Brynk taksama zajaviła ab niedapuščalnaści abstrełaŭ porta ŭ Adesie.
«Niedapuščalna. Rasieja naniesła ŭdar pa porcie horada Adesy mienš čym praz 24 hadziny paśla padpisańnia Pahadnieńnia ab dazvole ekspartnych pastavak sielskahaspadarčaj pradukcyi. Kreml praciahvaje vykarystoŭvać ježu jak zbroju», — napisała Brynk u svaim «tvitary».
Ciapier čytajuć
Biełarus zdymaje videa, jak kradzie adzieńnie i padroblivaje dakumienty ŭ Polščy. A jak zapachła smažanym, to kaža: usio dziela łajkaŭ1
Biełarus zdymaje videa, jak kradzie adzieńnie i padroblivaje dakumienty ŭ Polščy. A jak zapachła smažanym, to kaža: usio dziela łajkaŭ
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami1919
Kamientary