У цэнтры Варшавы, на Замкавай плошчы, 27 чэрвеня ў 10:00 адбудзецца адкрыццё выставы знішчанай Узброенымі сіламі Украіны расійскай вайсковай тэхнікі.
Мэта выставы — паказаць саюзнікам, як украінскі народ абараняе Еўропу і ўвесь цывілізаваны свет, а таксама падзякаваць польскаму народу за дапамогу, якую ён аказвае Украіне.
Гэта першая такая выстава за межамі Украіны. Пасля Варшавы такія акцыі плануюць праводзіць і ў іншых еўрапейскіх сталіцах.
«Мы дапаможам, каб расійскія танкі апынуліся ў Еўропе, але і ў выглядзе металалому. Мы плануем правесці выставы знішчанай расійскай тэхнікі. Пачнём з Варшавы, а затым — Берлін, Парыж, Мадрыд і, нарэшце, Лісабон», — сказаў міністр абароны Украіны Аляксей Рэзнікаў польскаму тэлеканалу Polsat News.
Выстава арганізаваная Міністэрствам абароны Украіны пры падтрымцы Міністэрства ўнутраных спраў і Міністэрства замежных спраў.
У адкрыцці выставы прымуць удзел афіцыйныя асобы з польскага і ўкраінскага бакоў.
Падобная выстава ўжо прайшла на Міхайлаўскай плошчы ў Кіеве.
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары