Сёння ў Кракаве — другі этап фестываля «Прадмова». У праграме — чытанне дзіцячых вершаў Андрэя Скурко
Сёння ў Кракаве праходзіць другі этап беларускага Фестываля інтэлектуальнай кнігі «Прадмова». У гэтым годзе арганізатары вымушаныя праводзіць яго за мяжой — у чатырох гарадах, дзе цяпер найбольш беларусаў, вымушаных пакінуць радзіму: Тбілісі, Кракаве, Варшаве і Вільні.
Фестываль у Кракаве праходзіць па адрасу: Віла Дэцыюса, ul. 28 Lipca 1943 roku 17A.
Пачатак — у 10.00.
Кракаўская PRADMOVA пройдзе ў межах фестывалю «Культура ў эміграцыі» і стане, мабыць, самай вытанчанай з усіх «прадмоў». Па-першае, таму што яна уключыць у сябе шмат паэзіі, а, па-другое, бо фестываль у Кракаве пройдзе ў памяшканні Вілы Дэцыюс, архітэктурным помніку XVI ст.
Акрамя мора паэзіі ў праграме вы знойдзеце шмат іншых не менш яскравых выступаў і тэм. Наведвальнікі змогуць паразважаць пра дом і досвед жыцця за мяжой, трапіць на прэзентацыі кніг, музычныя імпрэзы і нават прэмію, узяць удзел у дыскусіі пра траўмы 21-га стагоддзя разам з выбітнымі філосафамі. Таксама арганізатары падрыхтавалі багатую праграму для дзетак.
На працягу ўсяго фестывальнага дня будзе працаваць кніжны кірмаш.
Сярод удзельнікаў і ўдзельніц фестывалю: Андрэй Хадановіч, Альгерд Бахарэвіч, Марыя Мартысевіч, Вальжына Морт, Аляксандр Чарнуха, Лявон Баршчэўскі, Міхаіл Мінакаў, Вольга Шпарага, Юля Цімафеева, Мілаш Беджыцкі, Рышард Крыніцкі, Эва Ліпска і шмат іншых яскравых пісьменнікаў і пісьменніц, паэтаў і паэтак, філосафаў і філосафак.
УВАХОД ВОЛЬНЫ
Праграма фестываля сёння пачынаецца з чытання дзіцячых вершаў аднаго з рэдактараў «Нашай Нівы» Андрэя Скурко, які цяпер знаходзіцца за кратамі. Вершы ён піша для свайго малога сына Тамаша, але яны здабылі папулярнасць і ў іншых хлопчыкаў ды дзяўчынак.
Цалкам праграма фестываля «Прадмова» ў Кракаве даступная ТУТ.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары