Siońnia ŭ Krakavie — druhi etap fiestyvala «Pradmova». U prahramie — čytańnie dziciačych vieršaŭ Andreja Skurko
Siońnia ŭ Krakavie prachodzić druhi etap biełaruskaha Fiestyvala intelektualnaj knihi «Pradmova». U hetym hodzie arhanizatary vymušanyja pravodzić jaho za miažoj — u čatyroch haradach, dzie ciapier najbolš biełarusaŭ, vymušanych pakinuć radzimu: Tbilisi, Krakavie, Varšavie i Vilni.
Fiestyval u Krakavie prachodzić pa adrasu: Viła Decyjusa, ul. 28 Lipca 1943 roku 17A.
Pačatak — u 10.00.
Krakaŭskaja PRADMOVA projdzie ŭ miežach fiestyvalu «Kultura ŭ emihracyi» i stanie, mabyć, samaj vytančanaj z usich «pradmoŭ». Pa-pieršaje, tamu što jana uklučyć u siabie šmat paezii, a, pa-druhoje, bo fiestyval u Krakavie projdzie ŭ pamiaškańni Viły Decyjus, architekturnym pomniku XVI st.
Akramia mora paezii ŭ prahramie vy znojdziecie šmat inšych nie mienš jaskravych vystupaŭ i tem. Naviedvalniki zmohuć parazvažać pra dom i dośvied žyćcia za miažoj, trapić na prezientacyi knih, muzyčnyja imprezy i navat premiju, uziać udzieł u dyskusii pra traŭmy 21-ha stahodździa razam z vybitnymi fiłosafami. Taksama arhanizatary padrychtavali bahatuju prahramu dla dzietak.
Na praciahu ŭsiaho fiestyvalnaha dnia budzie pracavać knižny kirmaš.
Siarod udzielnikaŭ i ŭdzielnic fiestyvalu: Andrej Chadanovič, Alhierd Bacharevič, Maryja Martysievič, Valžyna Mort, Alaksandr Čarnucha, Lavon Barščeŭski, Michaił Minakaŭ, Volha Šparaha, Jula Cimafiejeva, Miłaš Biedžycki, Ryšard Krynicki, Eva Lipska i šmat inšych jaskravych piśmieńnikaŭ i piśmieńnic, paetaŭ i paetak, fiłosafaŭ i fiłosafak.
UVACHOD VOLNY
Prahrama fiestyvala siońnia pačynajecca z čytańnia dziciačych vieršaŭ adnaho z redaktaraŭ «Našaj Nivy» Andreja Skurko, jaki ciapier znachodzicca za kratami. Vieršy jon piša dla svajho małoha syna Tamaša, ale jany zdabyli papularnaść i ŭ inšych chłopčykaŭ dy dziaŭčynak.
Całkam prahrama fiestyvala «Pradmova» ŭ Krakavie dastupnaja TUT.
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6363
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie63
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary