Здароўе

Як лепей абараніць сябе ад сонца?

Як бы ні падманвала нас надвор’е, але да лета засталося менш за тры тыдні. Набліжаецца той самы час, калі і ў горадзе, і тым больш на адпачынку вельмі важна абараняць сваю скуру ад небяспечных сонечных прамянёў. Вось асноўныя рэкамендацыі пра тое, што вам у гэтым дапаможа.

Фота: pixabay.com

Ультрафіялет пастаянна трапляе на Зямлю ад Сонца. Пры гэтым узровень ультрафіялетавых прамянёў групы В мацнейшы летам, калі сонца свеціць найбольш ярка, але ўзровень іншых ўтрафіялетавых прамянёў, групы А, мае адну і тую ж інтэнсіўнасць на працягу года, тлумачыць The Times.

Ультрафіялет уплывае на скуру розным чынам. Ён не толькі стварае ў тканках цела цяпло праз акісляльныя хімічныя рэакцыі, але і выклікае прамое пашкоджанне бялкоў і ДНК, што прыводзіць да распаду некаторых рэчываў (напрыклад, калагену) і стымуляцыі змяненняў у функцыі клетак.

Каб уратавацца ад ультрафіялету, можна насіць адзенне, якое прыкрывае цела, але ж для адкрытых частак цела найлепшым выбарам стане сонцаахоўная касметыка. Карыстанне ёй — першы і асноўны крок у абароне ад сонца. Выбірайце крэмы ці ласьёны з фактарам SPF не менш за 15, а па меркаваннях некаторых дэрматолагаў, і ўвогуле не менш за 30.

Такую касметыку трэба наносіць на скуру кожныя 90 хвілін, каб сапраўды атрымаць тую ступень абароны ад сонца, якая пазначана на банцы. Таксама эксперты раяць нанава ўжываць крэм ад сонца пасля плавання ці інтэнсіўнай фізічнай нагрузкі, калі вы шмат пацееце.

Шмат хто не выкарыстоўвае касметыкі ад сонца ў пахмурныя дні, і часам менавіта ў такія дні мы назіраем самыя моцныя сонечныя апёкі, бо нам здаецца, што навокал няма сонца. Але ж на самой справе і ў пахмурнае надвор’е ўсё яшчэ трэба ўжываць сонцаахоўную касметыку на адкрытых частках цела, бо шмат якія віды раку развіваюцца праз накапляльны ўплыў сонца. Бонус: ужыванне такой касметыкі запаволіць старэнне скуры.

Брытанскі дэрматолаг Анджалі Махта, з якім пагутарылі журналісты The Times, звяртае ўвагу на тое, што існуе два віды сонцаахоўнай касметыкі: мінеральныя і хімічныя сродкі. Мінеральная касметыка змяшчае ў сябе цынк і тытан і пачынае працаваць, як толькі трапляе на скуру, у той час як хімічныя сродкі абароны ад сонца трэба наносіць не менш за 20 хвілін да выхаду на вуліцу. Дактары раяць прывучыць сябе да штодзённага выкарыстання сонцаахоўнай касметыкі.

Ёсць сведчанні, што антыаксіданты (напрыклад, вітаміны С ці Е) павялічваюць устойлівасць скуры да ўздзеяння ўльтрафіялету. Таму, калі вы выкарыстоўваеце для скуры сыроваткі на аснове антыаксідантаў, гэта таксама можа трохі зніжаць шкоду ад знаходжання на сонцы. Сярод іншых рэкамендацый адзначым нашэнне галаўнога ўбору падчас знаходжання на сонцы, пазбяганне сонца ў час з 10 да 14 гадзін і знаходжанне ў цені.

Калі сонца шкодзіць скуры, на ёй з’яўляюцца прыкметы старэння: маршчыны і змены пігментацыі, дыфузнае пачырваненне, скура робіцца менш пругкай і больш грубай.

Крэмы ад загару небяспечныя пры кантакце з вадой з басейнаў

«Страшылкі» пра манікюр. Ці можа звыклая працэдура выклікаць рак, ВІЧ і іншыя сур'ёзныя захворванні?

Каментары

Цяпер чытаюць

Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць39

Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць

Усе навіны →
Усе навіны

«У Егіпет з дзецьмі даражэй з’ездзіць». Брэсцкая блогерка вырашыла павялічыць грудзі, пакуль чакае мужа з калоніі20

У КР выбіраюць віцэ-спікерку. Дэбатаў не атрымалася, бо балатавалася толькі Лізавета Пракопчык7

Ціханоўская: Кожны год, 21 мая, сэрца сціскаецца ад болю13

Трамп абвясціў пра стварэнне новай супрацьракетнай абароны ЗША «Залаты купал», якая павінна стаць найлепшай у свеце5

Грузія цалкам забараніла рээкспарт аўто ў Расію і Беларусь. Што гэта азначае для беларусаў на практыцы?9

У Мінску кіроўца збіў на пераходзе сямігадовага хлопчыка на самакаце1

Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў9

Улады Іспаніі патрабуюць ад Airbnb выдаліць больш за 60 тысяч аб'яў аб арэндзе жылля1

Кіраўнік «Еўраопта» выйшаў на свабоду4

больш чытаных навін
больш лайканых навін

Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць39

Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць

Галоўнае
Усе навіны →

Заўвага:

 

 

 

 

Закрыць Паведаміць