У Мінскім гарадскім судзе вынесены прысуд вядомаму хірургу, палітвязню Андрэю Любецкаму.
Суддзя Святлана Чарапанава асудзіла доктара да пяці гадоў пазбаўлення волі ў калоніі агульнага рэжыму. Менавіта такое пакаранне запрасіла для Любецкага пракурорка Жанна Баранава, паведамляе «Вясна»
Сківічнага хірурга, які 18 гадоў адпрацаваў у дзіцячай бальніцы ў Мінску і быў валанцёрам каля Акрэсціна, абвінавачвалі паводле чатырох артыкулаў Крымінальнага кодэкса:
— ч. 1 арт. 342 (удзел у дзеяннях, якія груба парушаюць грамадскі парадак),
— ч. 1 арт. 130 (распальванне сацыяльнай варожасці),
— арт. 369 (абраза прадстаўніка ўлады),
— ч. 1, 2 арт. 368 (абраза прэзідэнта).
Згодна з версіяй следства, хірург «публічна выказваўся аб прынятым рашэнні парушыць дадзеную ім медыцынскую клятву і ўсяляк перашкаджаў аказанню медыцынскай дапамогі супрацоўнікам міліцыі і чальцам іх сем’яў, заклікаў сваіх калег да падобных супрацьпраўных дзеянняў».
Таксама яго абвінавачвалі ва ўдзеле ў 8 пратэсных акцыях і напісанні допісаў у сацсетках, якія кваліфікавалі як абразы і распальванне варожасці.
У апошнім слове палітвязень адзначыў, што спецыялістаў яго ўзроўню ў Беларусі практычна няма.
— Мае досвед, веды і ўменні спатрэбяцца многім людзям, калі я буду на волі і буду займацца тым, чым займаўся 23 гады. У мяне эксклюзіўная спецыялізацыя, і ў Беларусі спецыялістаў майго ўзроўню можна пералічыць на пальцах адной, максімум дзвюх рук.
Любецкі заявіў, што на свабодзе ад яго будзе больш карысці, чым у турме. І нагадаў, што ў яго ёсць сям'я і дзеці, якіх ён павінен утрымліваць, выхоўваць і клапаціцца.
— Менавіта таму, зыходзячы з вышэй сказанага, да высокага суда ў мяне цалкам лагічная і не нечаканая просьба — не караць мяне і маю сям'ю, пазбаўляючы мяне волі. Каб усё абдумаць і зразумець мне хапіла часу, праведзенага ў СІЗА.
Чытайце таксама:
«Як прыстойны чалавек, я не магу маўчаць». Як судзяць хірурга Андрэя Любецкага
«Шчаслівы, што жонцы ўдалося з'ехаць. А я вытрымаю». Хірург Андрэй Любецкі даў інтэрв'ю з СІЗА
-
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове
-
Лявончык: Сумняюся, што Карпушонак кантралюе свой акаўнт. Гэта абароты з падручніка прапаганды
-
«Такое ж пошлае і дурное». У Латушкі адказалі на новае відэа Вольгі Карпушонак
Цяпер чытаюць
Дэлегатка КР Карпушонак пасля маўчання апублікавала відэа14
Дэлегатка КР Карпушонак пасля маўчання апублікавала відэа
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7878
Каментары