Вядомы расійскі крытык назвала раман беларускай аўтаркі сярод топ-5 сусветных кніг 2021 года
Вядомы расійскі літаратурны крытык, выкладчык Галіна Юзэфэвіч склала свой спіс найлепшых кніг 2021 года. Побач з Дзмітрыем Быкавым і Джоан Роўлінг у гэтым спісе раман беларускай аўтаркі Таццяны Заміроўскай, якая жыве ў Нью-Ёрку, «Смерці. Net».
Прычым раман Таццяны Заміроўскай Юзэфовіч паставіла на другое месца рэйтынгу следам за «Знішчальнікам» Дзмітрыя Быкава.
«Гэта цудоўны раман, які спачатку здаецца тэхнатрылерам, потым паварочваецца да чытача тым бокам, які звязаны з пытаннямі лічбавай бессмяротнасці і наогул пытаннямі трансгуманізму ў сучасным грамадстве, а потым аказваецца складанай і глыбокай філасофскай прытчай. Раман апісвае прастору пасля смерці ў будучыні, калі людзі навучацца здымаць з сябе лічбавыя копіі і працягнуць існаваць у асобным лічбавым фармаце пасля смерці фізічнага арыгінала. (…) На мой погляд, гэта адна з найлепшых кніг і адна з самых разумных» — рэзюмуе Галіна Юзэфовіч.
У топ-5 яна таксама ўключыла «Не трэба саромецца» Аляксандра Гарбачова, «Клару і сонца» Кадзуа Ісігура, «Валентайн» Элізабэт Уэтмар і дадае бонусам казку Джоан Роўлінг «Каляднае парася».
Раман Таццяны Заміроўскай «Смерти.net» аб лічбавым уваскрашэнні і пякучых пытаннях быцця
Цяпер чытаюць
Стаў вядомы поўны спіс 18 фігурантаў «малочнай справы», падзельнікаў міністра Брыло і братоў Скітавых6
Стаў вядомы поўны спіс 18 фігурантаў «малочнай справы», падзельнікаў міністра Брыло і братоў Скітавых
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы66
Каментары