Сезон гарбуза доўжыцца ўсю восень. З гэтай садавіны прынята рабіць супы, запяканкі і пюрэ, аднак сёння мы прапануем вам выпечку з гарбуза. Гарбузовы чызкейк стане цудоўнай нагодай для чаяпіцця халодным восеньскім вечарам.
Фота BBC Food.
Каб зрабіць гарбузовы чызкейк, вам спатрэбіцца:
- 225 грам пясочнага пячэння ці крэкераў
- 60 грам слівачнага масла
- сок і цэдра аднаго лімона
- 340 грам мякаці гарбуза (тушанай на пары або запечанай)
- 225 грам цукра
- 450 грам слівачнага сыра
- 1 чайная лыжка молатай карыцы
- 2,5 грам ці палова чайнай лыжкі молатага мускатнага арэха
- 4 яйкі
- 90 мл густых слівак (33-38%)
- 90 мл натуральнага ёгурта
- Разагрэйце духоўку да 170 градусаў.
- Цалкам раскрышыце пячэнне. Растапіце масла на павольным агні ці на нізкай магутнасці ў мікрахвалёўцы. Змяшайце пячэнне, масла і цэдру.
- Вазьміце форму для выпечкі дыяметрам 25 см з здымным дном, змажце яе слівачным маслам. Размясціце на дне і сценках формы сумесь з пункта 2 — гэта будзе аснова чызкейка. Трохі прыдавіце яе.
- Змешвайце слівачны сыр, мякаць гарбуза, цукар, карыцу і мускатны арэх, пакуль у сумесі не знікнуць камячкі. Дадайце ў сумесь яйкі, асцярожна перамяшайце, пакуль сумесь не стане аднароднай. Размясціце сумесь у форме зверху асновы для чызкейка і запякайце будучы дэсерт на працягу 90 хвілін. Чызкейк будзе гатовы, калі яго верх застыне, але пры гэтым унутры ён павінен заставацца трохі мягкім.
- Дастаньце чызкейк з духоўкі і пакіньце яго ў форме, пакуль пірог не астыне. Потым перамясціце чызкейк на талерку для сервіроўкі, пакрыйце яго харчовай плёнкай і пакіньце на ноч.
- Узбівайце вяршкі, пакуль яны не загусцеюць. Паступова дадавайце ёгурт і сок лімона, асцярожна ўсё перамяшайце. Упрыгожце крэмам чызкейк і падавайце яго пры хатняй тэмпературы.
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе22
Каментары