iPhone 13, новыя планшэты і гадзіннік: што прэзентавала Apple ў аўторак
14 верасня кампанія Apple правяла традыцыйную восеньскую прэзентацыю і паказала новае пакаленне iPhone, iPad і «разумных» гадзіннікаў. Мерапрыемства зноў прайшло ў віртуальным рэжыме з-за пандэміі каранавіруса.
Першай з прылад кампанія прадставіла новы iPad на працэсары A13 Bionic. Абяцаюць, што ён на 20% больш прадукцыйны, чым папярэднік. Дыяганаль планшэта — 10,2 цалі, аб'ём памяці — ад 64 Гб, паведамляе РБК.
Яшчэ адна навінка — iPad mini, дыяганаль 8,3, працэсар A15 Bionic. Як заяўляе кампанія, у яго таксама значна павышаная прадукцыйнасць — на 40%. Прылада падтрымлівае 5G. Планшэт прадстаўлены ў ружовым, фіялетавым «зорным» і «касмічным шэрым» колерах.
Apple Watch Series 7 аснашчаны супрацьударным шклом, што не прапускае ваду і пыл, кнопкі павялічаны, экран стаў ярчэйшым на 70% і большым за кошт памяншэння рамкі. У гадзіннік дадалі клавіятуру з функцыяй T9
Таксама Apple прадставіла сэрвіс Fitness+, у якім ёсць 11 відаў трэніровак, уключаючы ёгу і сілавыя практыкаванні. Мяркуецца, што новыя трэніроўкі працягласцю ад 5 да 45 хвілін там будуць з'яўляцца штотыдзень, у дадатак (на iPhone, iPad або Apple TV) будуць інтэгравацца паказчыкі карыстальніка з яго Apple Watch.
Новае пакаленне смартфонаў — iPhone 13 — атрымала працэсар A15 Bionic. Дыяганаль — 6,1 цалі. Трохі змянілася размяшчэнне камер — цяпер яны па дыяганалі адна ад адной. За кошт гэтага, як сцвярджае кампанія, у корпус удалося змясціць сістэму з павялічанай матрыцай шырокавугольнай камеры і сістэму аптычнай стабілізацыі.
Новы iPhone прадстаўлены ў пяці колерах: ружовым, сінім, чырвоным, «цёмная ноч», «зіхоткая зорка». Аб'ём памяці ў лінейцы прылад павялічаны ў два разы, так што смартфонаў на 64 Гб больш няма. Даступныя варыянты — 128, 256 і 512 Гб.
Таксама прадстаўлены iPhone 13 mini, дыяганаль — 5,4 цалі.
iPhone 13 Pro таксама паказалі ў двух варыянтах — асноўным (дыяганаль 6,1 цалі) і Max (6,7 цалі). У прэзентацыі зрабілі ўпор на павышэнні якасці здымкі трохкамернай сістэмай.
Прылады будуць даступныя ў чатырох колерах: серабрыстым, золатам, графітавым і нябесна-блакітным. Упершыню з'явіцца Максімальная ёмістасць памяці ў 1 Тб.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА46
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары