Юрый Стыльскі з гурта «Дай дарогу!» пакінуў Беларусь і зараз у бяспецы.
Ён не пайшоў на суд супраць сябе — аб прызнанні кліпа на песню «Баю-бай» экстрэмісцкім матэрыялам.
Нагадаем, упраўленне ГУБАЗіК па Брэсцкай вобласці звярнулася ў суд Ленінскага раёна Брэста з просьбай аб прызнанні экстрэмісцкім кліпа «Баю-бай» гурта «Дай дарогу!».
ГУБАЗіК піша, што на ютуб-канале гурта «распаўсюджваюцца інфармацыйныя матэрыялы, скіраваныя на распальванне варожасці або розні па прыкмеце сацыяльнай прыналежнасці».
Кліп на песню «Баю-бай», на думку ГУБАЗіК, зняты з мэтай дыскрэдытацыі сілавых структур.
«На гэта ўказваюць вобразы кіроўцы аўтазака, які на камбайне пераследуе ні ў чым не вінаватых людзей. Ахвяры паказаныя гранічна міралюбнымі і беззабароннымі», — падкрэслівае ўпраўленне ГУБАЗіК.
«…Сітуацыя затрымання парушальнікаў грамадскага парадку прадстаўлена аўтарамі песні як бязлітаснае забойства…», — сцвярджаецца ў экспертным заключэнні.
ГУБАЗіК просіць прызнаць кліп, яго магчымыя копіі, вытворныя творы і перапрацоўкі, якія ўтрымліваюць асноўны сэнс, экстрэмісцкім матэрыялам.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца3
А што будзе, калі вярнуцца ў Беларусь? Кажуць жа, што рэпрэсіі заканчваюцца
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары