Актывіст з Лідскага раёна Вітольд Ашурак асуджаны на 5 гадоў калоніі
Яго абвінавачвалі па артыкулах 342 ч. 1 (Удзел у групавых дзеяннях, што груба парушаюць грамадскі парадак) і 364 (Гвалт у дачыненні да супрацоўніка міліцыі).
Суд над актывістам з Бярозаўкі пачаўся 28 снежня ў Лідзе і праходзіў у закрытым рэжыме. Сёння быў вынесены прысуд — пяць гадоў калоніі агульнага рэжыму.
Суддзя Максім Філатаў таксама пастанавіў «пасведчанне БНФ — доказ злачынства — знішчыць».
Вітольда Ашурка спачатку затрымалі ўвечары 9 жніўня, але праз некалькі дзён адпусцілі, калі па ўсёй краіне пасля хвалі пратэстаў вызвалялі зняволеных удзельнікаў пратэстаў.
Потым яго забралі 19 верасня і асудзілі на 30 дзён арышту ў адміністрацыйных справах за ўдзел у 8 мітынгах. Аднак праз месяц Ашурка не выпусцілі, бо завялі на яго крымінальныя справы.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне17
Каментары