Упершыню за доўгі час на сайтах агенцтваў нерухомасці з'явілася аб'ява аб тым, што ў працяглую арэнду здаецца катэдж у чыноўніцкай частцы Драздоў. Невялікі дом плошчай 250 квадратных метраў знаходзіцца ў Ізумрудным завулку.
Гаспадары гэтага катэджа — Наталля і Аляксей Чэпікавы. Гэта адпаведна дачка і зяць былой старшыні Нацбанка Надзеі Ермаковай.
Сітуацыя Ермаковай унікальная — яна адзіная з чыноўнікаў, каму ўдалося атрымаць ад дзяржавы адразу два элітныя ўчасткі ў Драздах.
Яе папярэднік на чале Нацбанка Пятро Пракаповіч таксама займеў два дамы, але другі знаходзіцца за «Мінск-Арэнай», а не ў саміх Драздах.
Што ўяўляе з сябе катэдж сям'і Ермаковай? Дом на два паверхі з 7 пакоямі (5 з іх жылых), два ванныя пакоі. У абвестцы пішуць, што жытло ўкамплектаванае мэбляй і тэхнікай, хоць іх на здымках няма. Затое ёсць камін. На дагледжаным участку стаіць свая лазня і гараж на дзве машыны.
Гаспадары дома просяць за яго $3500 на месяц.
Цікава, што некалькі гадоў таму ў СМІ ўжо з'яўлялася інфармацыя пра спробу сям'і Ермаковай здаць катэдж у арэнду. Але тады гучалі нашмат большыя лічбы — $6000 і нават $7500.
Чытайце. Ад Абельскай да Ярмошынай: 113 уладальнікаў катэджаў у Драздах, поўны спіс
Цяпер чытаюць
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»3
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3434
Каментары