Грамадства1010

«Так, з рукамі ў мазуце, і забралі — за тое, што праўду казаў!» У Хойніках трактарысту-блогеру Яўгену Васількову далі 10 сутак

Яўген Васількоў (у шэрай кашулі) з адвакатам у судзе

У пятніцу трактарыст Яўген Васількоў, які падзяліўся з карыстальнікамі інтэрнэту сваім ролікам-разважаньнем пра выбары, не вярнуўся дахаты з працы. Жонка Тацяна знайшла яго на ІЧУ, піша «Радыё Свабода». «Забралі за непадпарадкаваньне», — сказалі жонцы.

Да панядзелку Яўген быў на ізалятары. На суд да яго прыехалі актывісты «Страны для Жизни» і журналісты. Трактарыст зьяўляецца адміністратарам каналаў у Youtube і Telegram «Хойники для Жизни».

Калі актывісты і журналісты ўвайшлі ў залю паседжаньня, там ужо сядзелі міліцыянты ў цывільным і жанчыны, у якіх мясцовыя прызналі супрацоўніц райвыканкаму. Яны «захапілі» вольныя месцы, таму большасьці актывістаў давялося стаяць.

«Да мяне міліцыя прыехала на працу, у гараж. Участковы заявіў, што недзе на тэрыторыі раёна нехта абмаляваў дарожныя знакі надпісамі «Саша 3%». Міліцыянты з гэтай нагоды прыехалі чамусьці да мяне! Мне сорак гадоў — што я? Буду знакі абмалёўваць? Міліцыя правяла агляд аўтамабіля, а потым патрабавала дакумэнты. Я адмовіўся іх даць — мне «прышылі» непадпарадкаваньне, мяне закавалі ў кайданкі і завезьлі на ізалятар», — патлумачыў трактарыст.

Ён лічыць, што сапраўдная прычына затрыманьня — ягоныя блогі, дзе ён «кажа праўду, здымае бардак у раёне». «Я на блогах паказваю бардак, які ў нас робіцца, што, напрыклад, рэчка зарасла ці ліхтары не гараць. Таксама агітую за Святлану Ціханоўскую — таму мяне і ўзялі», — зазначыў Яўген Васількоў.

Сваёй віны ў непадпарадкаваньні ён не прызнаў. «Я не разумеў, на якой падставе яны патрабуюць дакумэнты. Каб яны мне патлумачылі, дык я паказаў бы паперы. У мяне аўтамабіль «Аўдзі-80», а яны прасілі паперы на аўтамабіль «Аўдзі-100». Я б паказаў тыя паперы, але яны нахабна патрабавалі і нічога не тлумачылі. Яны мне паказалі здымкі дарожных знакаў з надпісам «Саша 3%». Я не разумею — якая сувязь паміж абмаляванымі знакамі і аглядам аўтамабіля?» — сьведчыў на судзе вясковец.

Міліцыянт Васіль Зьвягін засьведчыў на судзе (ён прызнаны пацярпелым), што на дарожных знаках у раёне зьявіліся надпісы «Саша 3%». «Былі падставы думаць, што гэтыя надпісы зрабіў Яўген Васількоў. Прыехалі да яго рабіць агляд. Правялі агляд аўтамабіля. Адмовіўся прадставіць дакумэнты на аўтамабіль, і мы яго затрымалі за непадпарадкаваньне», — сказаў участковы.

«Што вы канкрэтна хацелі знайсьці ў Васількова?» — запытаўся адвакат Пётр Барысаў.

«Можа, маркер, якім наносілі надпісы на дарожныя знакі», — адказаў участковы.

Любоў Корань, жыхарка Хойнікаў была па запрашэньні міліцыі панятой на аглядзе ў Яўгена Васількова. «Міліцыянты праверылі ягоную машыну, патрабавалі дакумэнты на аўтамабіль. Ён адмовіўся дакумэнты даць, сказаў, што ён не мусіць іх даваць. Ну яму надзелі кайданкі. Ён, гэты чалавек, Васількоў, не супраціўляўся, нічога — сеў у машыну да міліцыянтаў ды паехаў», — распавяла на судзе сьведка.

Каўроў Дзьмітрый, начальнік аддзяленьня крымінальнага вышуку РАУС, паказаў на судзе, што 31 ліпеня езьдзілі зрабіць агляд аўтамабіля Яўгена Васількова. «Пра прыбыцьці ўчастковы прадставіўся, паказаў пастанову на агляд з санкцыяй пракурора раёна. Васількоў паказаў аўтамабіль, прадставіў яго для агляду.

Потым папрасілі дакумэнты на аўтамабіль. Ён адмовіўся, спасылаўся, што мы не супрацоўнікі ДАІ. Не падпарадкаваўся законным патрабаваньням, і завезьлі яго для разбору ў РАУС», — засьведчыў начальнік аддзяленьня.

Таксама на судзе сьведчылі яшчэ адзін паняты і міліцыянт. Іх паказаньні асабліва не адрозьніваліся ад словаў іншых сьведак.

У выніку Яўгену Васількову далі 10 сутак

Каментары10

Цяпер чытаюць

Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне37

Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне

Усе навіны →
Усе навіны

У Жлобіне ліквідуюць знакамітую фабрыку, дзе робяць штучнае футра1

«Паспалітае рушэнне» Сяргея Бульбы згарнула дзейнасць11

«Дзяруць курэй і гусей». Вёску ў Клецкім раёне тэрарызуюць сабакі, але ЖКГ кажа, што яны занадта хітрыя4

Імгненнай паводкай змыла курортную вёску Дхаралі ў Індыі ВІДЭА

«З людзей узялі распіскі, каб усе маўчалі». Невядомы беспілотнік упаў у ноч на панядзелак у Рэчыцы9

На Менцы ўпершыню знайшлі ліцейную форму для ювелірных упрыгажэнняў. Гэта змяняе ўяўленне пра жыццё летапіснага Менска7

Былая журналістка «Белсата» Алёна Дубовік пайшла працаваць у медыя Хадаркоўскага29

Дацкі заапарк заклікаў здаваць непатрэбных хатніх жывёл на корм драпежнікам4

Унук Лукашэнкі зарэгістраваў кампанію ў аршанскім афшоры5

больш чытаных навін
больш лайканых навін

Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне37

Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне

Галоўнае
Усе навіны →

Заўвага:

 

 

 

 

Закрыць Паведаміць