У краму symbal.by прыйшлі з праверкай падатковыя інспектары і супрацоўнік РУУС
Сёння, 15 чэрвеня, у памяшканне крамы symbal.by у 14:30 завіталі з праверкай супрацоўнік аддзела па барацьбе з эканамічнымі злачынствамі Савецкага РУУС Мінска разам з чатырма галоўнымі дзяржаўнымі падатковымі інспектарамі, паведамляе кіраўнік крамы Павел Белавус.
На працягу чатырох гадзін яны праводзілі праверку, аглядалі гандлёвыя, офісныя і вытворчыя памяшканні, складалі пратаколы, вымалі частку бухгалтарскіх дакументаў.
Супраць крамы вядзецца адміністрацыйны працэс па факце, які адбыўся 12 чэрвеня, калі ў кур'ера крамы міліцыянеры забралі цішоткі «ПСІХО3%», і разглядаецца варыянт завядзення адміністрацыйнай справы па факце парушэння правіл перавозкі матэрыяльных каштоўнасцяў.
Праводзіцца праверка.
У найбліжэйшыя дні стане вядома, ці будзе заведзена адміністрацыйная справа супраць крамы.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі14
Каментары