Вандалы з БНТУ замалявалі высокамастацкае графіці на сцяне аднаго з інтэрнатаў
«Не так даўно ў вас была навіна пра шыкоўнае графіці на сцяне аднаго з інтэрнатаў БНТУ, — напісала нам чытачка «Нашай Нівы». — Дык вось, сумная навіна. Таго графіці ад сёння няма! Яшчэ ўчора мела задавальненне глядзець на яго, а сення застаўся толькі цень Барбары. Прычым, пакуль Барбара была адзінокай, камендант інтэрнату «крамолы», відаць, не бачыў. А калі з'явіўся вершнік ды мова, то і малюнак праіснаваў тыдзень-два. Прычым, жахлівы малюнак на тэрасе таго ж інтэрнату застаецца ўжо не першы сезон», — піша чытачка і далучае фоты.
А вось так прыгожа выглядала замаляванае графіці:
На графіці была выяўленая Барбара Радзівіл — легендарная асоба беларускай гісторыі, а таксама постаці крылатага гусара і кавалера часоў Адраджэння.
Акрамя таго, на малюнку былі радкі з песні «Чорная панна» гурту «Litvintroll».
Гэта ўжо не першы выпадак, калі ўлады Мінска замалёўваюць высокамастацкія графіці, створаныя аматарамі. Нават партрэт народнага пісьменніка Беларусі Васіля Быкава трапіла пад фарбу. Усё гэта праявы дрэннага густу і казарменнага мыслення, якія робяць сталіцу Беларусі больш панылым і менш прывабным для жыцця горадам.
-
Цыганкоў: Бабарыка значна бліжэйшы да пазіцыі офіса Святланы Ціханоўскай, чым да выказванняў «бабарыканцаў»
-
Бабарыка турэмшчыкам: «У мяне было, цяпер няма, але ёсць шанец, што будзе. А ў вас не было, няма і не будзе. І ў вашых дзяцей не будзе»
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
Беларусы сустракаюць вызваленых палітвязняў у Вільні ФОТЫ і ВІДЭА2
Каментары