Сёння стала вядома, што галоўны рэдактар часопіса «Беларуская думка» Вадзім Гігін прызначаны дэканам факультэта філасофіі і сацыяльных навук БДУ. Гэта «Нашай Ніве» пацвердзілі ў дэканаце факультэта.
38-гадовы Вадзім Гігін нарадзіўся ў Мінску. Ён скончыў гістарычны факультэт БДУ. У аспірантуры абараніўся з дысертацыяй «Фарміраванне аднапартыйнай сістэмы ў Беларусі (1917—1925 гады)».
Працаваў у прэс-службе генеральнай пракуратуры (падначаленым прапагандыста Юр’я Азаронка), быў першым сакратаром Мінскай гарадской арганізацыі БРСМ.
Апошнія восем гадоў ён рэдагаваў часопіс «Беларуская думка», заснавальнікам якога з’яўляецца Адміністрацыя прэзідэнта. Гігін быў у спісе неўязных на тэрыторыю Еўрасаюза беларускіх чыноўнікаў і журналістаў.
У свой час Гігін захапляўся асобай віленскага губернатара Мураўёва-вешальніка: «Можа, трохі нестандартны выбар, але мне заўсёды імпанаваў віленскі генерал-губернатар Міхаіл Мікалаевіч Мураўёў, які здушыў паўстанне 1863 года. Але я добра вывучыў яго біяграфію. Гэта быў надзвычайны чалавек, адміністратар, кіраўнік, які можа служыць прыкладам для любога дзяржаўнага дзеяча».
Апошнія гады Вадзім Гігін таксама быў вядучым на тэлеканале АНТ.
Ягоная праграма «Справа прынцыпу» выходзіла штопанядзелак а 21 гадзіне. Цікава, ці застанецца ён працаваць на тэлебачанні пасля прызначэння на новую пасаду?
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос18
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5050
Каментары