Лідары дзевяці краін Усходняй і Цэнтральнай Еўропы, а таксама Балтыйскіх дзяржаў выказалі крайнюю занепакоенасць «агрэсіўнымі паводзінамі» Расіі і выказаліся за пастаянную прысутнасць ваенных структур НАТА ў рэгіёне.
Пра гэта гаворыцца ў сумеснай дэкларацыі, прынятай на сустрэчы ў Бухарэсце, якую румынскія СМІ назвалі міні-самітам НАТА.
Кіраўнікі ўсходнееўрапейскіх краін заявілі, што яны цвёрда выступаюць за тое, каб Расія вярнулася да павагі міжнароднага права, а таксама пачатла зноў выконваць узятыя на сябе абавязацельствы. У гэтым яны бачаць перадумову для аднаўлення адносін паміж НАТА і РФ, заснаваных на даверы.
Прэзідэнт Румыніі Клаўс Яханіс заявіў, што ўдзельнікі сустрэчы ўнясуць важкі ўклад у забеспячэнне гатоўнасці НАТА адказваць на сучасныя рызыкі і пагрозы, у першую чаргу з Усходу, але і з Поўдня таксама.
Паводле яго слоў, альянс сутыкаецца з рознымі выклікамі ад Чорнага да Балтыйскага мора.
Усходнія сябры альянсу абавязаліся аб'яднаць намаганні з мэтай забеспячэння магутнай, надзейнай і пастаяннай прысутнасці ваенных сіл НАТА ў рэгіёне.
У аўторак польскі прэзідэнт Анджэй Дуда на сустрэчы з румынскім калегам Клаўсам Яханісам заявіў, што яго краіна настроеная на павелічэнне колькасці і баявой моцы войскаў НАТА, якія знаходзяцца ў Польшчы па ратацыі, паведаміла Radio Poland.
Ён разлічвае, што ў далейшым на польскай тэрыторыі будзе базавацца пастаянны кантынгент саюзнікаў.
Наступны саміт блока запланаваны на 8-9 ліпеня 2016 года ў Варшаве.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі43
Каментары