Неафіцыйная інфармацыя: краіны ЕС дамовіліся пра зняццё санкцый з Лукашэнкі і беларускіх чыноўнікаў
«2 кастрычніка паслы краін Еўрапейскага саюза дамовіліся пра зняццё індывідуальных санкцый супраць беларускіх грамадзян і кампаній. Зняццё будзе суправаджацца ўмовамі», — пра гэта напісаў блог B2 — Bruxelles2, які адсочвае пытанні замежнай палітыкі і палітыкі бяспекі Еўрасаюза.
Афіцыйнай інфармацыі пра гэта пакуль няма.
Раней праходзіла інфармацыя, што афіцыйна санкцыі могуць быць прыпыненыя з 31 кастрычніка, пры ўмове што ў часе прэзідэнцкіх выбараў у Беларусі і пасля іх не адбудзецца рэпрэсій і іншых парушэнняў правоў чалавека і міжнародных нормаў.
Як мяркуецца, у сіле застанецца эмбарга на пастаўку зброі ў Беларусь, а таксама санкцыі ў дачыненні да чатырох службовых асоб, якія, на думку Еўрасаюза, могуць быць датычныя да знікненняў людзей у Беларусі. Гаворка ідзе пра Уладзіміра Навумава, Віктара Шэймана, Юрыя Сівакова і Дзмітрыя Паўлічэнку.
Што да Аляксандра Лукашэнкі, ягоных сыноў і набліжаных да яго асобаў, візавыя абмежаванні супраць іх будуць знятыя, а актывы на Захадзе размарожаныя.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары