Былы прэм'ер-міністр Ізраіля Эхуд Ольмерт прысуджаны да васьмі месяцаў турмы па абвінавачванні ў карупцыі.
Ольмерт абвінавачваўся ў тым, што з 1993 па 2002 год, будучы мэрам Ерусаліма, а затым міністрам гандлю і прамысловасці, атрымліваў ад амерыканскага бізнэсмэна наяўныя сродкі на будаўніцтва і на палітычную дзейнасць, пры гэтым частку грошай траціў у асабістых мэтах.
У сакавіку акруговы суд Ерусаліма прызнаў яго вінаватым у незаконным атрыманні грашовых сродкаў, абвяшчэнне пакарання адбылося ў панядзелак, 25 мая.
Адвакаты Ольмерта заявілі, што абскардзяць рашэнне суда.
Эхуд Ольмерт быў вымушаны падаць у адстаўку ў пачатку 2009 года на фоне гучных карупцыйных скандалаў. Судовыя разбіральніцтвы па некалькіх карупцыйных справах, у цэнтры якіх апынуўся экс-прэм'ер, працягваюцца па гэты дзень.
Цяпер чытаюць
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?11
Каментары