Парашэнка далучыўся да пасяджэнняў сваёй фракцыі праз Viber
Прэзідэнт Украіны цяпер на аператыўнай сувязі з усім тэхнічна прасунутым Блокам Пятра Парашэнкі, паведаміў на Facebook журналіст і чалец Блока Пятра Парашэнкі Мустафа Наем.
Да запісу журналіст прыклаў скрыншот мэсэнджара Viber на iPhone. Да суполкі «БПП» далучыўся Пятро Аляксеевіч Парашэнка.
«Гэта першае скліканне Вярхоўнай рады, у якім пасяджэнні фракцыі склікаюцца, а часцяком фактычна і праходзяць у Viber-суполцы, — піша Наем.
Цяпер галава дзяржавы будзе асабіста чуць усё, што думаюць чальцы фракцыі яго імя. Без купюр і цэнзуры».
Як сцвярджае Наем, у чаце ніхто не падбірае выразы і не збіраецца таго рабіць.
Можна сказаць, што Парашэнка такім крокам робіць ускосную інвестыцыю ў беларускую эканоміку: цэнтры распрацоўкі Viber дзейнічаюць у Мінску і Брэсце (таксама ў Ізраілі).
***
Viber – бясплатная праграма для галасавых і відэавыклікаў ды абмену паведамленнямі. Даступная як на мабільных тэлефонах, так і настольных камп’ютарах. Аўдыторыя перавышае 300 мільёнаў чалавек. У лютым 2014 года 100% Viber Media японская кампанія Rakuten выкупіла за 900 млн даляраў.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары