Parašenka dałučyŭsia da pasiadžeńniaŭ svajoj frakcyi praz Viber
Prezident Ukrainy ciapier na apieratyŭnaj suviazi z usim technična prasunutym Błokam Piatra Parašenki, paviedamiŭ na Facebook žurnalist i čalec Błoka Piatra Parašenki Mustafa Najem.
Da zapisu žurnalist prykłaŭ skrynšot mesendžara Viber na iPhone. Da supołki «BPP» dałučyŭsia Piatro Alaksiejevič Parašenka.
«Heta pieršaje sklikańnie Viarchoŭnaj rady, u jakim pasiadžeńni frakcyi sklikajucca, a čaściakom faktyčna i prachodziać u Viber-supołcy, — piša Najem.
Ciapier hałava dziaržavy budzie asabista čuć usio, što dumajuć čalcy frakcyi jaho imia. Biez kupiur i cenzury».
Jak śćviardžaje Najem, u čacie nichto nie padbiraje vyrazy i nie źbirajecca taho rabić.
Možna skazać, što Parašenka takim krokam robić uskosnuju inviestycyju ŭ biełaruskuju ekanomiku: centry raspracoŭki Viber dziejničajuć u Minsku i Breście (taksama ŭ Izraili).
***
Viber – biaspłatnaja prahrama dla hałasavych i videavyklikaŭ dy abmienu paviedamleńniami. Dastupnaja jak na mabilnych telefonach, tak i nastolnych kampjutarach. Aŭdytoryja pieravyšaje 300 miljonaŭ čałaviek. U lutym 2014 hoda 100% Viber Media japonskaja kampanija Rakuten vykupiła za 900 młn dalaraŭ.
Kamientary