Туніс атрымае 29 млн даляраў са сродкаў, выкрадзеных былым прэзідэнтам Зін Абэдзіна Бэн Алі.
Гэтыя грошы былі атрыманыя з дапамогай ААН. Група экспертаў, створаная ў рамках гэтай арганізацыі, займалася пошукам выкрадзеных сродкаў.
Былы дыктатар Зін Абэдзін Бэн Алі збег з Туніса ў студзені 2011 года пасля паўстання, якое перапыніла ягонае кіраванне цягам 23 гадоў.
Чэк на суму ў 29 млн даляраў быў уручаны прэзідэнту Мансэфу Марзукі прадстаўніком ААН Алі бін Фетаіс Мары. Гэтыя грошы захоўваліся на рахунку ў адным з ліванскіх банкаў, уладальнікам якога з'яўляецца жонка Бэн Алі Лайла Трабэлсі. Яна збегла разам з мужам у Саўдаўскую Аравію пасля таго як у Тунісе пачаліся народныя хваляванні.
У складанай эканамічнай сітуацыі новаму ўраду Туніса, узначаленаму ісламістамі, даводзіцца лічыцца з патрабаваннямі насельніцтва вярнуць сродкі, вывезеныя былым прэзідэнтам і ягонымі сваякамі.
Ураду давялося звярнуцца да МВФ з просьбай выдаць крэдыт у 1,8 млрд даляраў.
Аднак існуе мноства перашкод палітычнага і юрыдычнага характару, якія замінаюць уладам Туніса атрымаць доступ да рахункаў, на якіх схаваныя сродкі.
Цяпер чытаюць
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?11
Каментары