Kab isnavaŭ barometar šachmatnaj aktyŭnaści, jaho strełki ŭ vosieńskija miesiacy, napeŭna, zaškalili b.
Klubny čempijanat Eŭropy, matč za pieršynstvo ŭ śviecie, suśvietnaja alimpijada, čempijanat Miensku, seans, dadzieny niastomnym Viktaram Kuprejčykam u Smarhoni… U pačatku kastryčnika pieramožca Kasparava Ŭładzimier Kramnik zachavaŭ svaju hodnaść, zhulaŭšy ŭ Švajcaryi 7:7 z Peteram Lekam. Nia mienš intryhoŭnaje spabornictva prajšło ŭ hišpanskim Bilbao.
Pieršy čempijanat ziamnoj kuli z adnačasovym udziełam čałaviečych istot i kamputarnych prahram zapomnicca nia tolki jaho protahanistam. Viesialin Tapałaŭ, Rusłan Panamaroŭ i Siarhiej Karakin (najmaładziejšy ŭ śviecie ŭkrainski hrosmajstar — prośba nia błytać ni z Kalakinym, ni z Kurochinym!) u čatyroch turach zmahalisia suprać elektronnych monstraŭ ź mianuškami «Hidra», «Dyp Džunijor» i «Fryc-8». Vynik dla «hrosaŭ» niesuciašalny: 3,5 na 8,5. Mašyny pierajhravali ludziej va ŭsich debiutach. Adno Karakinu ŭdałosia vyjhrać partyju ŭ «Džunijora».
Poŭny varyjant artykułu hladzicie ŭ hazecie "Naša Niva".
Volf Rubinčyk ,
Ciapier čytajuć
«Ja dumaŭ, mianie nie moža ničoha ździvić». Na fudkorcie ŭ minskim HC zrabili płatnyja stały4
Kamientary