Apošni dzień Belarus Fashion Week u adroźnieńnie ad papiaredniaha byŭ vielmi nasyčanym. Kožny pakaz stvaraŭ zator u dźviarach, miescaŭ volnych nie było, nie tolki dla naviedvalnikaŭ, ale i dla fotakarespandentaŭ, uźnikali navat svarki za lepšuju pazicyju dla fota, ale abyjšłosia biez achviaraŭ.
Sotni ludziej u ekstravahantnych i modnych uborach zapaŭniali choł. Pakazy zatrymlivali, ale nichto nie aburaŭsia, a z razumieńniem čakali prezientacyj novych i novych kalekcyj. Kožnaja ź ich supravadžalisia škvałam apładysmientaŭ i ažyŭlenym abmierkavańniem.
Arhanizacyju prajekta aceńvali
Naviedvalniki aceńvali pakazy nastupnym čynam: «Z kožnym novym siezonam źjaŭlajucca novyja dyzajniery, tamu možna bačyć šmat novych i cikavych pakazaŭ. Viadoma ž byli i niedachopy, ale stanoŭčyja tendencyi prahladajucca. Jašče nie vielmi dobra byli padabranyja madeli. A ŭvohule, ja rad, što u Biełarusi źjavilisia ludzi paśla časoŭ SSSR, jakija cikaviacca i raźvivajuć modu. Budziem spadziavacca, što praź niekalki hod Belarus Fashion Week dasiahnie suśvietnaha ŭzroŭniu».
Nu, a my ŭ svaju čarhu prapanoŭvajem i vam acenić kalekcyi adzieńnia, jakija byli pradstaŭleny ŭ apošni dzień Belarus Fashion Week.
Ciapier čytajuć
«Škada, što ludzi mianie ličać takim idyjotam». Dziadok raskazaŭ, jak jaho zmahli vysačyć paśla piaci miesiacaŭ padpolla1
Kamientary