Inicyjatyva pajšła ź nizoŭ. «My stvaryli ŭnutry rady inicyjatyŭnuju hrupu i prapanavali zrabić novy rehłamient pracy», — kaža Aleh Trusaŭ.
Kiraŭnik Administracyi prezidenta Uładzimir Makiej u aŭtorak sustrakaŭsia ź inicyjatyŭnaj hrupaj Hramadska-kansultatyŭnaj rady pry Administracyi,raspavioŭ udzielnik sustrečy Aleh Trusaŭ:
«Reč u tym, što płanujecca reforma našaj rady. My stvaryli ŭnutry rady inicyjatyŭnuju hrupu i prapanavali zrabić novy rehłamient pracy. A taksama abnavić skład rady.
U kancy vieraśnia adbudziecca čarhovy schod užo abnoŭlenaj rady — ź jaje novymi siabrami. Taksama niekalki čałaviek ź ciapierašniaha składu adyduć. Spadziajusia, što tady rada budzie pracavać bolš kanstruktyŭna».
Karespandent paprasiŭ spadara Trusava nazvać proźviščy novych kandydataŭ u radu, a taksama tych, chto jaje pakinie.
«Pakul pra heta kazać nie varta.
Jak minimum 4–5, a moža, navat i 6 čałaviek uvojduć novych.I stolki ž prykładna adydzie. Kankretna ŭsio heta stanie viadoma dniami. Tamu ja nie mahu pakul nazvać i proźviščy».
Hramadska-kansultatyŭnaja rada nie źbirałasia ź vieraśnia 2010 hoda.
Kamientary