Ініцыятыва пайшла з нізоў. «Мы стварылі ўнутры рады ініцыятыўную групу і прапанавалі зрабіць новы рэгламент працы», — кажа Алег Трусаў.
Кіраўнік Адміністрацыі прэзідэнта Уладзімір Макей у аўторак сустракаўся з ініцыятыўнай групай Грамадска-кансультатыўнай рады пры Адміністрацыі,распавёў удзельнік сустрэчы Алег Трусаў:
«Рэч у тым, што плануецца рэформа нашай рады. Мы стварылі ўнутры рады ініцыятыўную групу і прапанавалі зрабіць новы рэгламент працы. А таксама абнавіць склад рады.
У канцы верасня адбудзецца чарговы сход ужо абноўленай рады — з яе новымі сябрамі. Таксама некалькі чалавек з цяперашняга складу адыдуць. Спадзяюся, што тады рада будзе працаваць больш канструктыўна».
Карэспандэнт папрасіў спадара Трусава назваць прозвішчы новых кандыдатаў у раду, а таксама тых, хто яе пакіне.
«Пакуль пра гэта казаць не варта.
Як мінімум 4–5, а можа, нават і 6 чалавек увойдуць новых.І столькі ж прыкладна адыдзе. Канкрэтна ўсё гэта стане вядома днямі. Таму я не магу пакуль назваць і прозвішчы».
Грамадска-кансультатыўная рада не збіралася з верасьня 2010 года.
Каментары