Raniej u internecie źjaviłasia infarmacyja pra avaryju na adnym z rudnikoŭ.
Raniej u internecie źjaviłasia infarmacyja pra avaryju na adnym z rudnikoŭ.
U administracyi «Biełaruśkalija» ahienctvu BIEŁTA paviedamili, što pazaštatnaj situacyi na rudniku niama, praca rudnika nie spynienaja. Raniej na šerahu internet-sajtaŭ źjaviłasia infarmacyja pra avaryju na druhim rudniku «Biełaruśkalija». U pryvatnaści paviedamlajecca, što ŭ noč z 23 na 24 červienia na terytoryi rudnika adbyŭsia praryŭ vady ŭ šachtu. Kiraŭnictva rudnika situacyju prakamientavała nie adrazu. Dyrektar 2-ha rudaŭpraŭleńnia Ihar Kožyč admoviŭsia razmaŭlać z karespandentam internet-haziety «Salidarnaść».
Zdareńnie na rudniku prakamientavali u MNS, zajaviŭšy ahienctvu «Interfaks», što ź situacyjaj supracoŭniki rudnika spraŭlajucca samastojna.
Tym časam, navina pra zdareńnie na rudniku abmiarkoŭvajecca na forumie sajta «Elektronny Salihorsk». Naviedniki foruma dajuć dosyć supiarečlivuju infarmacyju: adny kažuć pra pahrozu poŭnaha spynieńnia pracy rudnika, pra mahčymaść zatapleńnie šachty, inšyja — pra biespadstaŭnaje nahniatańnie paničnych nastrojaŭ. Tak, karystalnik napisaŭ: «Jak ža chutka ŭ nas raspaŭsiudžvajucca čutki, u tym liku i tryźnieńnie! Z usich vyšej napisanych pastoŭ praŭdzie adpaviadajuć 2—3. Karaciej, praryŭ adbyŭsia ŭ noč z čaćviarha na piatnicu, prykładna ŭ rajonie Kryvičoŭ, 12 km ad stvała, kambajn paśpieli adahnać».
Mahčyma, raspaŭsiudu niepravieranaj infarmacyi možna było b paźbiehnuć, kali b aficyjnaja infarmacyja ŭ vyčarpalnym abjomie źjaviłasia adrazu paśla źjaŭleńnia naviny. Na aficyjnym sajcie pradpryjemstva dahetul niama ni słova pra situacyju na rudniku. Data apošniaha abnaŭleńnia sajta — 23 červienia, apošniaja navina — abviestka pra turnir KVZ, pryśviečany Dniu moładzi, jaki musiŭ adbycca 24-ha.
Na «Biełaruśkalii» dziejničajuć 4 rudaŭpraŭleńni. Tut pracujuć kala 20 tysiač čałaviek. Heta adzin z najbujniejšych u śviecie vytvorcaŭ kalijnych minieralnych uhnajeńniaŭ.
Kamientary