«My nie dazvolim uciahnuć siabie ŭ hetu vajnu». Krainy NATA admovilisia dałučacca da błakady Armuzskaha praliva
Krainy NATA admovilisia dałučacca da abvieščanaj Donaldam Trampam błakady Armuzskaha praliva, choć častka jeŭrapiejskich sajuźnikaŭ hatovaja ŭdzielničać u harantavańni biaśpieki marskoha sudnachodstva ŭ rehijonie, paviedamlaje The Moscow Times.
Jak paviedamlałasia, ZŠA pačali apieracyju pa błakadzie Armuzskaha praliva ŭ adkaz na zryŭ pieramoŭ ź Iranam. U joj zadziejničanyja bolš za 15 amierykanskich vajskovych karabloŭ.
Tramp zajaŭlaŭ, što da inicyjatyvy dałučacca i inšyja krainy, adnak jeŭrapiejskija sajuźniki ZŠA, u tym liku Vialikabrytanija i Francyja, zajavili, što nie buduć udzielničać mienavita ŭ błakadzie.
«My nie padtrymlivajem błakadu, — zajaviŭ premjer-ministr Vialikabrytanii Kir Starmier u intervju «Bi-bi-si». — Majo rašeńnie absalutna adnaznačnaje: jakim by ni byŭ cisk — a jon byŭ vielmi značnym, — my nie dazvolim uciahnuć siabie ŭ hetu vajnu».
Zamiest hetaha jany prapanujuć alternatyŭny padychod — misiju pa zabieśpiačeńni svabody sudnachodstva i adkrytaści Armuzskaha praliva paśla źnižeńnia napružanaści. Lidary krain padkreślivajuć, što nie chočuć być uciahnutymi ŭ vajenny kanflikt i razhladajuć svaju rolu jak vyklučna abaronnuju i stabilizacyjnuju.
Pry hetym abmiarkoŭvajecca stvareńnie mižnarodnaj kaalicyi z udziełam bolš čym 30 krain, jakaja budzie kaardynavać supravadžeńnie cyvilnych sudnaŭ i harantavać biaśpieku marskich šlachoŭ.
Paralelna adznačajecca, što situacyja ŭ rehijonie zastajecca napružanaj: Iran nazapasiŭ značnyja abjomy nafty na tankierach pa-za miežami praliva i praciahvaje ekspart na ŭzroŭni kala 1,8—2 młn baralaŭ za sutki, u asnoŭnym u bok Kitaja.
Tramp pryhraziŭ tapić iranskija sudny, jakija jašče nie lažać na dnie mora
ZŠA pačnuć błakadu iranskich partoŭ siońnia
Bieły dom abmiarkoŭvaje adnaŭleńnie ŭdaraŭ pa Iranie paśla zryvu mirnych pieramoŭ
ZŠA sami pačynajuć błakadu Armuzskaha pralivu
ZŠA i Iran nie zmahli dasiahnuć pahadnieńnia ŭ Isłamabadzie. Vens pajechaŭ z Pakistana
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha6
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5050
Kamientary
Na Uschod dy Paŭnočny Ŭschod ad Eastern Bank (Singapore Strait), u mižnarodnych vodach, ciaham prykładna sta mil, płojma tankieraŭ stajać na jakarach. Heta t.z. "filija" Irana, dzie adbyvajecca pierapampoŭka iranskaj nafty dla dastaŭki ŭ Kitaj i nia tolki. Čamuści dla ameraŭ heta sakret...