A śpiavak z Hrodna Hienadź Łoska skaryŭ svaimi śpievami žury i hledačoŭ šou «X Factor».
Hienadź Łoska skaryŭ svaimi śpievami žury i hledačoŭ šoŭ «X Factor», a 23-hadovaja Maryja Trypucień čatyry razy pryznavałasia lepšaj tancorkaj dnia na realici-šoŭ «You Can Dance».
Adrazu dva biełarusy trapili ŭ finał papularnych polskich telešoŭ. 36-hadovy muzyka Hienadź Łoska z Hrodna skaryŭ svaimi śpievami žury i hledačoŭ šoŭ «X Factor», a 23-hadovaja Maryja Trypucień z Barysava čatyry razy ź piaci pryznavałasia lepšaj tancorkaj dnia na realici-šoŭ «You Can Dance».
36-hadovy muzykant Hienadź Łoska jašče na pačatku 90-ch pierajechaŭ z Hrodna ŭ Varšavu razam z svaim hurtom «Seven B». Paśla zasnavaŭ solny muzyčny prajekt, jaki, praŭda, surjoznaha kamiercyjnaha pośpiechu nie mieŭ. Hrošy muzyka zarablaŭ u asnoŭnym tym, što hraŭ na vulicach Varšavy. Z hod tamu jaho pabačyła ŭsia Polšča ŭ papularnym telešoŭ «Mam Talent» (faktyčna anałah rasijskaha šou «Minuta słavy»). U nastupny etap Hienadź nie trapiŭ, ale hledačam zapomniŭsia. Paśla hetaha na youtube stali vykładać videa vystupaŭ biełaruskaha muzyki na vulicach polskaj stalicy.
Udzieł u telešoŭ «X Factor» na kanale TVN staŭ dla jaho bolš udałym. Muzyka prajšoŭ usie stadyi adboru, trapiŭ u finał i maje ŭsie šancy stać pieramožcam. Pry toj papularnaści, jakaja abrynułasia na jaho ŭ apošni čas, Łoska nie admoviŭsia ad vuličnych kancertaŭ. Pasłuchać jaho źbirajucca nie dziesiatki, jak raniej, a sotni čałaviek.
«Hienadź skaryŭ palakaŭ svajoj aŭtentyčnaściu i ščyraściu. U im niama pafasu, ułaścivaha tym, chto ŭdzielničaje ŭ telešoŭ. Jon prosta biare hitaru i śpiavaje. I hetaja pryrodnaja ščyraść impanuje dziesiatkam tysiačaŭ ludziej», — kaža jašče adzin muzykant ź Biełarusi, jaki žyvie ŭ Polščy — Pavieł Karpieš, bolš viadomy, jak Kroŭ — lidar prajektu «Čyrvonym pa biełym».
Rozhałasu ŭ Polščy narabiła i 23-hadovaja tancorka Maryja Trypucień z Barysava. Apošnim časam jana žyła ŭ Minsku, dzie pracavała chareohrafam u adnoj sa škołaŭ tanca. Vyrašyła paŭdzielničać u kastynhu ŭ Varšavie na realici-šoŭ «You Can Dance» i trapiła ŭ lik udzielnikaŭ, skaryŭšy svaim tancam žury.
Ciapier Maryja trapiła ŭ apošniuju stadyju konkursa. Paśla kožnaha telešoŭ, jakoje demanstrujecca ŭ žyvym efiry, žury nazyvaje lepšaha tancora dnia. Čatyry razy ź piaci było nazvana imia biełaruski.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary66
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć2929
Kamientary