Zaprašajem u čaćvier, 28 krasavika, 18.30, Budzionaha 48a (zała va ŭnutranym dvoryku) na dźvie biełaruskija imprezy, jakija arhanizoŭvaje «Haradzienski kalehium»:18.30 — prezientacyja unikalnaj biełaruskaj internet- biblijateki Kamunikat.org — zbora litaratury, niedastupnaha ŭ tradycyjnych biblijatekach. 19.30 — tvorčaja sustreča z bardam Alesiem Kamockim i prezientacyja jaho novaha alboma «Viarovica»
*** Kamunikat.org — prajekt Biełaruskaha Histaryčnaha Tavarystva ŭ Biełastoku, supracoŭničaje z redakcyjami mnohich pieryjadyčnych vydańniaŭ Biełarusi i zamiežža, z vydaviectvami i aŭtarami, z navukoŭcami i daśledčykami, z tvorcami roznych napramkaŭ mastactva. Pa adrasu www.kamunikat.org znachodziacca publikacyi jak kłaskaŭ biełaruskaj litaratury, tak i maładych pačynajučych aŭtaraŭ. Bahatyja zbory histaryčnaj litaratury i knihaŭ, niedastupnych u tradycyjnych biblijatekach Biełarusi, robiać Kamunikat.org krynicaj infarmacyi dla studentaŭ i navukoŭcaŭ. Padčas prezentacyi ŭ Harodni i Bieraści, Biełaruskaja Internet Biblijateka Aprača knihaŭ na palicy biblijateki štoraz čaściej traplajuć hukavyja zapisy. Tut pačujecie i archiŭnyja zapisy hałasoŭ tych, kaho ŭžo niama z nami, i raspoviedy pra litaraturu, tvorčaść i žyćcio tych, chto plonna pracuje na nivie biełarusščyny. Pra ŭsio heta padčas prezentacyjaŭ u Harodni dy Bieraści raspaviaduć jaje stvaralniki — Jarasłaŭ Ivaniuk i Natalla Hierasimiuk.
Kamientary