Siaredzina XVIII st. Anhlija i Francyja vajujuć za kantrol nad Kanadaj. Sialanka j naščadak bahataha rodu zakachalisia adno ŭ adnaho.
Novaja Francyja (Nouvelle France).
Kanada—Francyja—Vialikabrytanija, 2004, kalarovy, 142 chv.
Žanr: epičnaja meladrama.
Adznaka: 7 (z 10).
Siaredzina XVIII st. Anhlija i Francyja vajujuć za kantrol nad Kanadaj. Sialanka j naščadak bahataha rodu zakachalisia adno ŭ adnaho.
Nietaropki histaryčny epas zaciahvaje. Dakładnyja kaściumy, palityčnyja intryhi, biazładździe — nia prosta fon dla kachańnia. Hieroi — udzielniki historyi, a los Novaj Francyi, jakaja pierachodziła z ruk u ruki, nahadvaje los Biełarusi. Mary-Lu i Fransua — heta biełaruskija hieroi padčas vajny, tolki ŭ kanadzkich realijach.
Karcina Žana Badena — harmaničnaja j vyvieranaja. Žarści nie nabyvajuć charaktar histeryki; kachańnie strymanaje, kožny histaryčny pradmiet nie kryčyć ab raskošy, a prosta jość. Historyja kachańnia ŭskładniena nia tolki palityčnymi perypetyjami: pieraškody čyniać jurlivy intendant, niastrymany lepšy siabra, kiure, jaki razryvajecca pamiž pabožnaściu j zakachanaściu (bliskučaja rola Žerara Depardjo).
Aktorskaja hulnia Naemi Haden-Vińjo (Mary) i Davida La E (Fransua) razabje nie adno hladackaje serca, a maleńkaja Žuljet Žaślen u roli dački Mary demanstruje ŭsie prykmiety budučaj zorki.
Možna tolki paškadavać, što karcina «Novaja Francyja» amal nikim nia ŭbačanaja. Ale hladač moža vypravić sytuacyju.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary